POP 5

Lajmet më të lexuara të 5 minutave të fundit

Sociale

Korçë/ E dashuruar me lulet, 80-vjeçarja kthen oborrin e pallatit në lulishte

Edhe pse në një moshë të madhe, pasioni për lulet nuk ia heq dëshirën për të qenë çdo ditë e më shumë vitale. Bëhet fjalë për një 80 vjeçare nga Kosova, por që prej vitesh jeton në Korçë, e cila ka mbjellë një lulishte në oborrin e pallatit ku jeton.

Pasionet e njerëzve janë nga më të ndryshmet. Por një 80 vjeçare nga Kosova duket se i tejkalon pritshmëritë e kujtdo. Kimete Bylykbashi është personazhi i vecantë që ‘Report Tv’ ka vendosur të nxjerrë në pah, duke treguar historinë që ajo ka. E moshuara me origjinë nga Suhareka e Kosovës, prej vitesh jeton në qytetin e Korçës. Në jetën e saj ajo ka hasur shumë vështirësi por që e kanë bërë edhe më të fortë. Pasioni i veçantë që ajo ka, janë lulet.

80 vjeçarja ka krijuar e vetme një lulishte të vogël në lagjen ku banon në Korçë. Një lulishte që mesa duket ka tërhequr vëmendjen e qytetarëve të cilët nuk humbin rastin ta përgëzojnë.

I trishtë mbetet për të fakti se si ajo ka vazhduar “traditën” e luleve pas bashkëshortit të saj i cili nuk jeton më. Me lot në sy nënë Kimetja tregon se si vendosi të vijonte përkujdesjen mbi lulet e shumëllojshme. 

Ideja e kopshtit ka qënë e tim shoqi. I kishte shumë qejf trendafilat. Donte t’i hidhte pleh por u sëmur dhe u shtrua në spital. I thashë, t’ja hedh unë plehun luleve por më tha jo. Kur të dilte nga spitali do t’ja hidhte vetë. Pas 2-3 ditësh vdiq.

Nga ajo që më tha se do ta bënte vetë më ka shtyrë që të punoj më shumë në kopësht. Më pyesin në marr ilaçe dhe i përgjigjem se këto janë ilaçet e mia.

Kimete Bylykbashi

Kënaqësia e madhe që lulet i japin të moshuarës nuk ka të krahasuar. Një ndjesi që sipas saj përçohet edhe tek banorët e tjerë të lagjes. Çdo mëngjes nënë Kimetja del nga shtëpia dhe shkon tek lulishtja modeste, por tepër me vlera për t’u kujdesur për lulet. Duke filluar nga ujitja e tyre e deri tek prerja e luleve të dëmtuara apo të thara. 

Në fillim kur u hap ishte me bar dhe nuk e linin qentë e rrugës. Mbollëm pak lule. Pastaj po u pëlqente edhe njerëzve. Më shtynte edhe kënaqësia e tyre që të punoja në kopësht. Tani kudo që shkoj marr lule dhe u ngul këtu. E hap çdo mëngjes kush ka qejf të rrijë këtu dhe të marr ajër. Në darkë pastaj e mbyll.

Kimete Bylykbashi

Megjithatë, e moshuara nuk është lënë jashtë vëmendjes për këtë aktivitet të vecantë që tashmë është pjesë e rutinës së saj. Edhe banorët e tjerë të lagjes kontribuojnë në përkujdesjen e lulishtes.

Edhe pse duket se problem ngelet mungesa e ujit, duke bërë që fqinjët të mbushin kova nga shtëpitë e tyre. Një situatë që i le në pritje për një përgjigje nga ana e Bashkisë së Korçës. 

Ujë. Nuk dua asgjë tjetër. Vetëm ujë. Më vjen keq për lulet. Sikur i kam fëmijë. I ujis çdo mëngjes. Më vjen keq po të thahem. Më ndihmojnë edhe komshinjtë.

Kimete Bylykbashi

Historia e 80 vjeçares Kimete Bylykbashi ka prekur zemrat e të gjithë qytetarëve që ndeshen me lulishten e mrekullueshme.

Të shumtë janë edhe ata që vendosin të hyjnë brenda saj për të parë bukurinë që përcjell. Diçka është e sigurt, kjo e moshuar do të kujdeset për këtë lulishte deri në fund të jetës së saj.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Economic Times': Shqipëria mes vendeve ideale evropiane për të vizituar në 2025

'Economic Times': Shqipëria mes vendeve ideale evropiane për të vizituar në 2025

24 Nëntor, 07:20