Receta

Pastiçe fshati me perime nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 10 Nëntor 2023, 11:44 | Përditesimi: 10 Nëntor 2023, 11:46

Pastiçe fshati me perime

Përbërësit:

1 pako makarona
200 gr brokoli
200 gr lulelakër
200 gr karrota
300 gr spinaq
50 gr djathë kaçkavall
Vaj ulliri

Për kremin

LEXO EDHE:
Pogaçe me gjizë nga zonja Albana

250 gr gjizë pa kripë
400 ml qumësht
50 gr kaçkavall i grirë
Kripë, piper i zi, trumzë

Përgatitja:

Fillimisht vendosim makaronat të ziejnë në ujë të bollshëm me kripë. Karrotat i presim në kubikë dhe i shtojmë në ujin ku po ziejnë makaronat. Më pas shtojmë brokolin dhe lulelakrën të ndarë në boçe dhe spinaqin, i lëmë pak minuta. I kullojmë makaronat dhe perimet dhe i shtrojmë në një tavë të lyer me vaj ulliri. Në një tas përziejmë gjizën me qumështin, djathin e grirë, kripën, piperin e zi dhe trumzën. E hedhim kremin mbi makaronat me perime. E spërkasim sipërfaqen e pastiçes me djathë kaçkavall të grirë dhe e vendosim tavën në furrë të parangrohur në temperaturën 180 gradë për 25 minuta.

MC/Shqiptarja.com

TAG: