TIRANE- Inspektorati i Lartë i Deklarimit dhe Kontrollit të Pasurive dhe Konfliktit të Interesave nuk ua ka bërë shumë të gjatë zyrtarëve të lartë të shtetit por dhe politikanëve të kalibrave të ndryshme porsa i përket denoncimeve.

Madje duke e filluar me “peshat” e rënda që sipas ILDKPKI-së kanë fshehur burimit e të ardhurave e kanë shmangur deklarimin e pasurisë. Radha është e gjatë, bëjnë pjesë ish-ministra, deputetë dhe ish-deputetë, kryetarë e ish-kryetarë bashkishë e komunash.

Pavarësisht se ka muaj që janë bërë këto kallëzime penale, sërish Prokuroria ende nuk i ka kopsitur dosjet. Kështu në dyert e prokurorisë që në fillim të vitit ka shkuar kallëzimi penal ndaj ish ministrit të Financave Ridvan Bode për veprat penale të mosdeklarimit të pasurisë.