Receta

Patë me portokall dhe mollë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 31 Dhjetor 2022, 13:08 | Përditesimi: 31 Dhjetor 2022, 13:10

Patë me portokall dhe mollë

Përbërësit:

1 patë
4 portokalle
3 mollë
1 tufë majdanoz
Kripë, piper

Ganitura:

LEXO EDHE:
Pulë me oriz në furrë nga zonja Albana

250 gr oriz
2 speca të kuq
80 gr pançetë e tymosur
Kripë, piper

Salca:

Lëngu dhe lëkura e 2 portokalleve
1 karrotë
1 lgj mjaltë
Spec djegës

Përgatitja:

Pasi e kemi pastruar mirë patën e marinojmë me gjalpë, kripë dhe piper.Vendosim në një tavë një shtresë me mollë dhe portokalle të prera në feta. Disa feta mollë dhe portokalle i vendosim në brendësi të patës. E vendosim patën në tavë mbi bazën e krijuar me frutat dhe e lemë të piqet në furrë avash avash.

Kaurdisim me pak vaj ulliri pançetën dhe specat të prera në shirita. Më pas shtojmë orizin dhe vazhdojmë kaurdisjen për pak minuta, shtojmë ujë ose buljon dhe e lemë orizin të gatuhet për rreth 15 minuta.

Ndërkohë përgatisim salcën shoqëruese. Vendosim në një tigan ose tenxhere karrotat të grira imët. I kaurdisim për 1 minutë, më pas shtojmë pak mjaltë, spec djegës, lëkurë të grirë portokalli dhe lëngun e dy portokajve. E lemë salcën të lidhet dhe më pas e kalojmë në frulatim që të krijohet një salcë kremoze e njëtrajtshme. Me këtë salcë lyejmë mirë patën që po piqet në furrë dhe pjesën tjetër e vendosim në një salciere të vogël ku servirim patën së bashku me garniturën me oriz dhe speca.

MC/Shqiptarja.com

TAG: