Receta

Patëllxhanë furre nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 16 Nëntor 2022, 12:46 | Përditesimi: 16 Nëntor 2022, 12:47

Patëllxhanë furre

Përbërësit:

3 patëllxhanë
100 gr mocarela
60 gr djathë parmixhano
1 kokërr vezë
Miks perimesh në kubikë
Salcë domate
Beshamel
Vaj ulliri
Borzilok
Kripë, piper

Përgatitja:

LEXO EDHE:
Japrak tradicional me gjethe rrushi nga zonja Albana

Pasi i kemi lenë patëllxhanët në ujë me pak kripë, i presim në feta rrumbullake dhe i vendosim të piqen në furrë në temperaturën 180 gradë Celsius për pak minuta.

Lyejmë një tavë me pak vaj ulliri dhe vendosim fillimisht një shtresë si bazë me salcë domate, më pas vendosim mocarelën të prerë në feta dhe patëllxhanët. Bëjmë një spërkatje me djathë të grirë parmixhano dhe disa gjethe borziloku të freskët ose borzilok të thatë. Vendosim mbi patëllxhanët një shtresë me beshamel dhe në fund shtojmë perimet miks në kubikë. Perimet mund t’i kalojmë më parë pak në avull. Bëjmë një spërkatje të gjithë sipërfaqes me djathë parmixhano dhe e vendosim taven në furrë të parangrohur në temperaturën 180 gradë Celsius derisa sipërfaqja të marrë një ngjyrë të artë.

MC/Shqiptarja.com

TAG: