Receta

Patëllxhanë në furrë me salcë speciale nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 27 Shkurt 2023, 11:52 | Përditesimi: 27 Shkurt 2023, 11:53

Tavë me patëllxhanë në furrë

Përbërësit:

4-5 patëllxhanë
Miell për spërkatje
Kripë, piper
Vaj bimor
3 speca
1 qepë
2 karrota
3-4 domate
4-5 thelpinj hudhër
Galetë
Majdanoz

Përgatitja:

LEXO EDHE:
Pulë e mbushur nga zonja Albana

Presim në feta patëllxhanët, i spërkasim me kripë dhe më pas i lyejmë me miell. Nxehim vajin bimor dhe skuqim patëllxhanët.

Ndërkohë vendosim në blender specat, qepën, karrotat, domatet dhe hudhrat. Rregullojmë shijen me kripë, piper dhe pak sheqer. Këtë masë e kalojmë për pak minuta në tiganin ku skuqëm patëllxhanët.

Vendosim në një tavë një shtresë me fetat e skuqura të patëllxhanëve, sipër hedhim salcën e përgatitur, bëjmë një spërkatje të sipërfaqes me galetë dhe majdanoz të grirë. Vendosim përsëri një shtresë të dytë me patëllxhanë, salcë, galetë dhe majdanoz. E vendosim tavën në furrë të parangrohur në temperaturën 180 gradë Celsius.

MC/Shqiptarja.com

TAG: