Drejtuesi i Bindjes Demokratike, Astrit Patozi e shikon hapjen e listave me 100 % apo me 2/3 e saj si një lojë taktike mes dy partive të mëdha për t'i ngulur thikën njëri-tjetrit. I ftuar në Report Tv, Patozi tha para gazetarit se asnjë nga propozimet nuk është në fakt një hapje reale e listave për partitë, por thjeshtë kleçka për të prishur garën e kundërshtarit. Megjithatë 'hapja gjysmake e listave' siç Patozi e quan, është një hap para për Shqipërinë, por jo i plotë.
Propozimi i Jozefina Topallit nga demokratët e Shkodrës, për Patozin nuk do të thotë asnjë pasi nëse do të kishte fjalë të lirë mbi gjysma e PD e duan Topallin në partinë e tyre. Për Patozin propozimi i saj nuk është prova e hapjes së partisë, por ajo që do të bëjë Basha me emrin e saj dhe me listën.
Ai tha se nuk shikon asnjë të përbashkët mes Topallit dhe PD që është aktualisht, ndërsa shtoi se Bindja Demokratike nuk bënë ftesa të veçanta pro fton publikisht këdo që është i lidhur me kauzën e partisë.
"Nuk shoh asnjë të përbashkët mes Topallit dhe PD që është sot. Nëse PD hapet realisht, Topalli do të propozohet nga gjysma e PD se e tillë ka qenë roli dhe figura e saj. Prova e hapjes nuk është propozimi, por se çfarë do të bëjë Basha me listën. ne si parti nuk bëjmë ftesa. Bindja Demokratike nuk është krijuar si hakmarrje e demokratëve të inatosu por si alternativë për shqiptarët, kush mbështet kauzën tonë është i mirëpritur në partinë tonë", tha Patozi.
Patozi tha se Shqipëria ka nevojë për një hapje reale të listave ku mos të ketë me kryetarokraci, por një korrektim kombëtar të votave dhe depolitizim të komisioneve që do i numërojnë këto vota. Ai beson se në fudn palët do të bien dakord për hapjen e plotë të listave, pasi kush refuzon do të mbajë faturën në fund.
"Për mua të dy palët janë hipokrit, të dyja palët janë autorë të kyçjes së listave dhe papritur ju shpërtheu dashuria për hapjen e listave dhe demokratizimin e vendit. Të dyja po e përdorin taktikisht për t'i ngulur thikën kundërshtarit. Shqipëria do të kishte nevojë për një hapje reale të listave për të gjitha partitë, korrektim kombëtar dhe depolitizimin të komisioneve që do të numërojnë votat. Ne po bëjmë vetëm çerekun e punëve që duhet të bëjmë. Shqipëria është pak më mirë seç ishte me hapjen gjysmake të listave, por besoj se do të bëhet hapja e plotë e listave, pasi kush nuk pranon do ta marrë faturën në fund", tha Patozi.
Në lidhje me fletën e votimit, Patozi tha se ajo që propozon PD me hapjen e plotë të listave dhe ruajtjen e koalicioneve i bie që fleta e votimit të jetë roman dhe të shpallen në të gjithë vendin 20 mijë kandidatë duke e kthyer procesin në të neveritshme dhe që nuk ndodh në asnjë vend të botës. Patozi tha se modeli i Kosovës është me listë të përbashkët dhe një fletë e thjeshtë votimi ku përcakton në kohë rekord fituesin.
"Me modelin e Kosovës është një fletë e thjeshtë votimi, ku partitë mund të kandidojnë më vete ose me listë të përbashkët dhe numërimi bëhet në kohë rekord. Në rast se do të ruheshin koalicione sot dhe të hapeshin listat siç thotë PD nuk kemi fletë votimi, por roman pasi i bie çdo parti pjesëmarrje shumëzoji me 140 dhe dalin rreth 20 mijë kandidatë në gjithë Shqipërinë dhe kjo është e neveritshme dhe nuk ndodh në asnjë vend të botës", tha Patozi.
I pyetur pse dalin kaq shumë parti të reja nga gjiri i PD-së, Astrit Patozi tha se për këtë duhet të gjendjet shkaku brenda PD dhe jo tek ai, Myslim Murrizi, Bamir Topi apo Rudina Hajdari. Ai tha se edhe sot kundërshtarin më të fortë kur doli si parti më vete nuk kishte qeverinë dhe Ramën, por 'ish vëllezërit' në PD, të cilëve ende nuk u ka dalë inati.
"Fakti pse dalin kaq shumë parti nga e djathta duhet të kërkohet shkaku tek ata që i shkaktuan brenda partisë dhe nuk mund të kërkohet as nga unë as, nga Bamir Topi, Murrizi apo Hajdari. Ne kundërshtarët më të egër nuk kishim qeverinë po ish vëllezërit tanë të gjakut blu demokratik, dhe ende sot nuk u ka dalë inati", tha Patozi.
Komente
Lajme të tjera
-
PD kërkon aleatë për 1 listë?! Mediu do kandidatë në çdo qark ku ka vota! Shehi "divorc" pa kthim: Primaret, tallje
25 Shtator, 15:41
-
Shabani për Report TV: Listat e mbyllura i çuam në Kushtetuese, më 2025 forcat e reja do përfaqësohen në Parlament me grup deputetësh, duhet votimi elektronik
16 Shtator, 18:32 -
Padia e dytë në Kushtetuese për listat e mbyllura, Shabani: Rama e Berisha bashkë për të kthyer sistemin e 2008-s
16 Shtator, 11:37 -
Listat e hapura, deputetët e PS për Report Tv: Nuk ndihemi të rrezikuar, sfidë edhe për partitë e tjera
12 Shtator, 13:34
-
‘Zgjedhorja’/ Ku kanë ngecur palët politike? Sfidë depolitizimi i administratës zgjedhore! Financimi i partive e shitblerja e votave kërkojnë adresim
13 Gusht, 22:12
-
Begaj dekreton ndryshimet në Kodin Zgjedhor: Fryt i marrëveshjes pozitë-opozitë, vota e diasporës historike! Lista e mbyllur? Nuk është tagri im
30 Korrik, 14:12 -
Mero Baze: Përse Berisha dhe Rama nuk kanë të njëjtin hall me sistemin
28 Korrik, 08:39
-
Spartak Ngjela: Turp historik! Nuk lejojnë votim të lirë, e nuk dinë të bëjnë asgjë tjetër veçse të rrinë në pushtet për privilegje
28 Korrik, 07:55
-
Politika s’ka moral, por kjo jona s’ka edhe logjikë
27 Korrik, 22:36
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
-
A jeni dakord me 2/3 e listës së deputetëve të hapur dhe 1/3 e mbyllur? Ja si u votua në sondazhin e Shqiptarja.com
27 Korrik, 21:55 -
Mero Baze: Intervista e Ahmetajt si zhurmuese e pazarit për Kodin e zgjedhjeve
27 Korrik, 21:09
Ti asnjehere nuk ke qene me PD-en dhe jo me demokrat por te kane shtyre interesat.
PërgjigjuSi nuk të vjen turp nga vetja ty o Patoz,dil e pyeti njëherë ato demokratët e tu për ty. Jo ato që të rrethojnë,por dil në popull e kërko votë dhe do e marrësh përgjigjen mirë.
PërgjigjuDemonkratet zgjedhin tu prije i madhi Flamur Noka
PërgjigjuTopalli, nje cope mishi me dy sy.Nuk e kuptoj se çfare ka bere Jozi,per te shpresuar tek ajo?Eshte vizionare,ka inteligjence politike,flet dhe ka mendime me brilante se te tjeret?Ajo,per mendimin tim,eshte Luli dhe Luli eshte ajo, ne politike.
Përgjigju