POP 5

Lajmet më të lexuara të 5 minutave të fundit

Arkiva

PD: 35 ditë heshtje, Rama
inkriminon partinë e tij dhe parlamentin

Deputeti i PD, Sherefedin Shehu, ka akuzuar Ramën se ai ka qenë organizator dhe porositës i dhunës ndaj deputetit demokrat Gent Strazimiri. Sipas Shehut akti i rëndë i goditjes në Parlament dhe i kërcënimit me jetë të përfaqësuesve të PD, do të kishte bërë çdo kryeministër normal, të një vendi normal, të reagonte, të mbante një qëndrim. VIDEO
PD: 35 ditë heshtje, Rama<br />inkriminon partinë e tij dhe parlamentin
TIRANË - Deputeti i PD, Sherefedin Shehu, ka akuzuar Ramën se ai ka qenë organizator dhe porositës i dhunës ndaj deputetit demokrat Gent Strazimiri.

Sipas Shehut akti i rëndë i goditjes në Parlament dhe i kërcënimit me jetë të përfaqësuesve të PD, do të kishte bërë çdo kryeministër normal, të një vendi normal, të reagonte, të mbante një qëndrim.

Më tej ai shton se çdo Kryeministër normal, i një vendi normal do të kishte reaguar, do të kishte mbajtur një qëndrim, kur provohet me dokumente zyrtare se deputeti i partisë së tij është dënuar më parë për trafik prostitucioni e rrëmbim personi.

“Heshtja e Ramës, po e ndihmon atë të hyjë në histori si Kryeministri që inkriminoi partinë e tij, inkriminoi administratën, inkriminoi parlamentin.”-tha deputeti PD, Sherefedin Shehu.

 

 

Deklaratë e plotë e deputetit Sherefedin Shehu
Akti i rëndë i goditjes në Parlament dhe i kërcënimit me jetë të përfaqësuesve të Partisë Demokratike, do të kishte bërë çdo kryeministër normal, të një vendi normal, të reagonte, të mbante një qëndrim.

Por Edi Rama ka 35 ditë që hesht, edhe pse u pa qartazi se ai nuk ishte një spektator, por organizator, porositës i dhunës.

Pas kësaj ngjarjeje të paprecedentë që solli tension politik dhe detyroi Partinë Demokratike të ndërpresë marrëdhëniet me Kuvendin, dolën në dritë fakte rrëqethëse për inkriminim që Edi Rama i ka bërë kuvendit.

Çdo Kryeministër normal, i një vendi normal do të kishte reaguar, do të kishte mbajtur një qëndrim, kur provohet me dokumente zyrtare se deputeti i partisë së tij është dënuar më parë për trafik prostitucioni e rrëmbim personi.

Por Edi Rama hesht, edhe pse dihet botërisht se deputeti me precedent penal është sot në parlament, me firmën e vulën e tij, dhe se ishte pikërisht Kryeministri që dëboi dhunshëm nga lista dy kandidate femra, vetëm e vetëm për ti hapur rrugën Arben Ndokës.

Heshtja e Ramës, po e ndihmon atë të hyjë në histori si Kryeministri që inkriminoi partinë e tij, inkriminoi administratën, inkriminoi parlamentin.

 

Redaksia Online

(a.h/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Fier/ Konsultimi në shkolla, Rama: Platformat sociale bëjnë biznes, edhe me fëmijët! TikTok frymëzon sjellje në kundërshtim me prindin apo mësuesin

Fier/ Konsultimi në shkolla, Rama: Platformat sociale bëjnë biznes, edhe me fëmijët! TikTok frymëzon sjellje në kundërshtim me prindin apo mësuesin

30 Nëntor, 13:26