PD, amendament në Kuvend për ta
ndalur rikandidimin e Kokëdhimës
Edhe pse dekriminalizimi nuk ka prodhuar deri më sot qoftë edhe një dorëheqje në funksionet publike, Partia Demokratike po përpiqet të kthejë në kauzë një tjetër çështje, atë të dekusarizimit. Nuk dihet nëse do të jetë apo jo kusht për votimin e reformës në drejtësi, por opozita shqiptare ka paralajmëruar paraqitjen e një amendamenti në Kuvendit, të quajtur amendamenti i dekusarizimit
Edhe pse dekriminalizimi nuk ka prodhuar deri më sot qoftë edhe një dorëheqje në funksionet publike, Partia Demokratike po përpiqet të kthejë në kauzë një tjetër çështje, atë të dekusarizimit. Nuk dihet nëse do të jetë apo jo kusht për votimin e reformës në drejtësi, por opozita shqiptare ka paralajmëruar paraqitjen e një amendamenti në Kuvendit, të quajtur amendamenti i dekusarizimit. Amendamenti i PD tingëllon posaçërisht për Koço Kokëdhimën, të cilin Gjykata Kushtetueses e përjashtoi nga Parlamenti. “Partia Demokratike depoziton sot në parlament amendamentin e dekusarizimit:
Ndalimin e rikandidimit ose emërimit në funksione publike të atyre që humbasin mandatin e deputetit sepse shkelin Kushtetutën duke zhvatur paratë dhe pasuritë publike të shqiptarëve”, shkruan kryetari i Partisë Demokratike, Lulzim Basha. Nëse ky amendament pranohet nga mazhoranca, gjë që nuk ka gjasa të ndodhë, Koço Kokëdhima dhe Ilir Beqaj nuk mund të mbajnë asnjë funksion publik si dhe nuk mund të zgjidhjen deputetë në zgjedhjet e 2017. Ky debat u zhvendos edhe në Kuvend, kur Edi Paloka dhe Gramoz Ruçi replikuan gjatë për këtë çështje.
“Para pak ditësh, i fundmi i listës së “Rilindjes”, Koço Kokëdhima, iu bashkua listës nr.2 të “Rilindjes” që tashmë është ose jashtë parlamentit ose në burg. Për këtë arsye, ne sot kemi depozituar një amendament kushtetues, ku kërkojmë që në vazhdën e logjikës së Ligjit për Dekriminalizimin, jo vetëm kriminelët ordinerë, trafikantë droge, prostitutash, vrasësh etj, që sot janë futur në listën e dytë të Rilindjes, jashtë këtij parlamenti por dhe këta që kryejnë krime kushtetuese, të mos kenë të drejtë rizgjidhen as në këtë parlament dhe as në institucione të tjera shtetërore. E njëjta gjë po përgatitet me Koçon. Nuk e dinë apo nuk e dinë këta, por pak rëndësi ka. Po përgatitet të sjellë Koçon Ministër të Turizmit”-tha Paloka. Ai ftoi socialistët të votojnë nismën e PD-së.
“Unë kërkoj që pavarësisht urdhrit politik që do të marrin, që bashkë me ndryshimet e tjera kushtetuese, deputetët socialistë t’i bashkohen grupit të PD-së dhe ta votojnë këtë amendament. Ne këtë amendament e kemi cilësuar Amendamenti i Dekusarizimit”-tha Paloka. Në përgjigje të tij, homologu socialist, Gramoz Ruçi tha se ulërima demokrate po bëhet për një kushtetutë që më herët e kishin quajtur leckë. “Lidhur me Kushtetutën, do doja ti kujtoja kolegut që të mos qajë kaq shumë. Kjo Kushtetutë është miratuar në vitin 1998, kur ju nuk morët pjesë fare në të, por do ta deligjitimonit atë. Këtë Kushtetutë e anatemuat gjatë tetë viteve që ishit në opozitë, 1998-2005. Madje nga kjo foltore ku folët ju dhe unë tani, ju e keni quajtur as më shumë as më pak, por leckë. Këtë Kushtetutë pasi erdhët në pushtet dhe qeverisët për tetë vite 2005-2013, e shkelët plot 40 herë, me vendim të posaçëm të Gjykatës Kushtetuese. Anatemoni për një vendim që mori Gjykata Kushtetuese në raport me një kolegun tonë, të cilin nuk është aspak e vërtetë që ne nuk e kemi pranuar. Përkundrazi, kur flet gjykata ne heshtim, pavarësisht nga rezervat që kemi për to në kuadër të bërjes së reformës”-tha Ruçi.
Redaksia online
A.N shqiptarja.com
Redaksia Online
(F.T/shqipstarja.com)
Sondazhi i ditës:
A duhet prokurorëve të SPAK-ut t'u jepet e drejta e rikandidimit?
-
Po
61.2%
-
Jo
31.5%
-
Nuk e di
7.3%
Vota total: 178
Lajme të tjera
-
Masakra e 2 prillit/ ‘Repolitix’ sjell dokumente ekskluzive: Gramoz Ruçi i raportonte Ramiz Alisë për 4 protestuesit e vrarë në 1991
2 Prill, 21:20
-
Rikthimi i gardës të vjetër në PS sinjal për përballje titanike në zgjedhjet e 2025!
11 Shkurt, 12:21
-
SHIKONI FOTOT/ Asambleja e PS-së, bën bashkë të vjetër e të rinj Rama me atlete! Nuk mungojnë Ruçi, Dokle as Bushati e Lame
11 Shkurt, 11:24
-
“Një ditë terror, një vit qetësi” postulati nazist që komunistët përdorën për të shuar kryengritjen e Postribës! Ende s’ka drejtësi
1 Tetor 2023, 15:27
-
‘Edhe pse ishim ‘sterrë’ nga biografia prej vëllait tim, që ishte pushkatuar si ‘armik’, Gramoz Ruçi, na erdhi në shtëpi dhe…’ Dëshmia e fshatarit nga Tepelena
16 Korrik 2023, 18:39
-
32 vjet Parti Socialiste/ Rama: Karikojmë bateritë për 2025! Mbyllni shtigjet e vjetra ku hyjnë dorëgjatët
12 Qershor 2023, 08:13
-
Del Procesverbali/ Nazif Bezhani: Dosja e Rustem Gjatës si spiun i UDB është shumë e madhe! Gramoz Ruçi: Pse Berisha e zgjodhi në Kushtetuese?
2 Maj 2023, 16:32
-
Sot një vit Gjykata Kushtetuese rrëzoi kërkesën e mazhorancës për ta shkarkuar si President, Meta: Kuvendi falsifikoi dokumentet, SPAK ende asnjë hetim
16 Shkurt 2023, 18:53
-
Ku je Gramoz Ruçi? Kur bilbilat këndonin jashtë Parlamentit!
16 Shkurt 2023, 17:53
-
Ylli Pata: ‘Plumb ballit’, efektet 30 vjeçare të dhunës si mjet politik në Shqipëri
20 Shtator 2022, 18:32
-
Veliaj takon Ruçin: Nuk ka si të dielat me shokun Gramoz
11 Shtator 2022, 14:52
-
Sot feston 70-vjetorin, socialistët urojnë Gramoz Ruçin në këtë ditë të shënuar
6 Dhjetor 2021, 15:53