PD bie në Vlorë dhe në Gjirokastër, rritet në Berat
Partia Demokratike ka rënie në votat për këshillat e bashkive në Qarkun e Vlorës dhe atë të Gjirokastrës, ndërsa një rritje të lehtë ka shënuar në Qarkun e Beratit.
TIRANE- Partia Demokratike ka rënie në votat për këshillat e bashkive në Qarkun e Vlorës dhe atë të Gjirokastrës, ndërsa një rritje të lehtë ka shënuar në Qarkun e Beratit. Në kuadër të analizës së votës së 21 qershorit dhe sipas udhëzimit të kryetarit demokrat, Lulzim Basha, ku thuhet se secila degë duhet të dorëzojë në selinë e PD rezultatet e 2 zgjedhjeve të fundit vendore dhe zgjedhjeve politike të 2013-ës, “Shqiptarja.com” zbardh sot shifrat krahasuese të 2011-ës dhe 2015-ës, për 3 qarqet e tjera.
Në votat për këshillin, rezultatin më të dobët PD e ka shënuar në komunën Frashër të Përmetit, ku ka marrë vetëm 4 vota. Ndërsa në Lazarat është rritur me 20%.