Sjelljen e deputetëve të PD në Kuvend të cilët bojkotuan votimin e Lindita Nikollës si kryetare Kuvendi duke grisur e hedhur në tokë fletët e votimit, kryeministri Edi Rama e ka justifikuar duke thënë se ata po kalojnë ditë jo të lehtë pas përjashtimit të Sali Berishës nga grupi parlmentar i PD. Duke u ndalur te akuzat e ngritura nga kryedemokrati Lulzim Basha ndaj tij, Rama me ironi tha se sjelljen e PD e mirëkupton pasi sipas tij janë në një proces traumatik.
"Juve mund të mos e besoni por s'kam dëgjuar asgjë.. kjo nuk është një ditë e lehtë për PD është proces traumatik duhet të kemi durim dhe respekt për traumat e të tjerëve".
Jo vetëm kaq ai shtoi se gjesti i Partisë Demokratike për grisjen e fletëve të votimit, ishte instiktiv.
“Ky mandat do të jetë një mandat shumë i rëndësishëm në përpjekjet për të pastruar Shqipërisë. Po përgatitemi me një paketë të re që jo vetëm zonat turistike por edhe zonat rurale të kenë një raport tjetër me mjedisin. Ishte një gjest krejtësisht instiktiv. Qesen unë e kërkova aty sepse nuk e kisha aty", tha Rama.
Zgjedhja e Lindita Nkollës në krye të Kuvendit, kryeministri shtoi se është një moment i rëndësishëm dhe i bukur që në krye është një grua e cila tha se është e respektuar nga të gjithë.
"Është moment i rëndësishëm dhe i bukur sepse nga sot kuvendi ka në krye një grua të admirueshme një kolege të respektuar nga të gjithë dhe patjetër edhe një politikane që asnjëherë nuk i ka fryrë zjarrit të konfliktit. Ky është një lajm i mirë. ky mandat do jetë shumë i rëndësishëm për të pastruar shqipërinë".
I pyetur a do të betohet tek Presidenti Meta, Rama tha se për sa kohë është në zyrë po.
"Ju keni të drejtë të thoni çtë doni do jem gjithmonë i buzëqeshur. Ka një dallim të qartë për të gjithë dallimi i distancimeve politike dhe i kornizës kushtetuese dhe ligjore. Për sa kohë presidenti Meta siç e quani ju është në pritje për tu gjykuar nga kushtetuesja ai mbetet në detyrë dhe nuk varet nga dëshira jonë ne e kemi marrë vendimin tonë dhe e kemi shkarkuar", shtoi Rama.
Ish-kryeministri Berisha tha se përjashtimi i tij është si rezultat i një pazari të turpshëm Rama-Basha, e ndërsa ky i fundit është treguar më i stepur në përpjekje për të sheshuar një “kryengitje” në PD, ku tha se “armiku i vetëm" është Edi Rama. Basha shtoi se ndjen keqardhje që tezat e armikut të tij Edi Rama i dëgjoi të artikuluara nga goja e Berishës, personit që ai ka konsideratë dhe vlerësim. Teksa tha se është detyruar që të marrë vendimin e përjashtimit të Berishës nga grupi parlamentar i PD, Basha shtoi se nuk heq asnjë prejse nga deklarata e një dite më parë ku vlerësonte kontributet e liderit historik të PD.
Ish-kryeministri tha se i qëndron paralajmërimit që kishte bërë ditë më parë se nëse përjashtohet pa prova do të bëjë çdo gjë për ta rimarrë partinë që e themeloi vetë. Madje e ka sfiduar hapur vendimin e Bashës, kur tha se ai vazhdon të jetë anëtar i grupit dhe se në selinë blu mund të futet kur të dojë. Përtej zhvillimeve në PD, sot, në seancën e parë plenare, kur opozita u rikthye në Kuvend pas 30 muajsh mungesë, kryeministri Rama i kujtoi Bashës se dora e tij e bashkëpunimit është e shtrirë “për interes të qytetarëve”.
E megjithatë, ndërsa pritej që vemendja sot të ishte totalisht te hapja e legjislaturës së X të parlamentit, u kalua në plan të dytë, pasi vëmendje shkoi te “lufta” e sapo nisur me Bashës dhe Berishës, por edhe te bojkoti i PD në votimin e kryetares së Kuvendit. Përjashtimi i Berishës solli përçarje mes demokratëve, ku Flamur Noka, Tritan Shehu dhe Edi Paloka nuk u shfaqën krah Bashës në Kuvend, por pritën poshtë shtëpisë së tij Berishën dhe e shoqëruan deri në sallë. Kjo ishte në vijim të paralajmërimit që Berisha i kishte bërë kryedemokratit më herët, se ‘influenca e tij në parti është e madhe”.
Opozita grisi fletët gjatë votimit për kryetaren e Kuvnedit Lindita Nikolla në Kuvend. Kryeministri Edi Rama i mblodhi letrat dhe i futi në një qese. Pas përfundimit të sencës ka reaguar sërish duke thënë se hedhja e mbeturinave në dyshemenë e Kuvendit, nuk është as mesazh politik, as gjest civil, as shprehje njerzillëku.
"Mjedisi nuk është as i majtë as i djathtë dhe respekti për mjedisin është në radhë të parë respekt për veten, për njëri-tjetrin, për fëmijët tanë. Hedhja e mbeturinave përtokë mu në dyshemenë e Kuvendit, kur njerëzit ndjekin ditën e parë në punë të përfaqësuesve të tyre, nuk është as mesazh politik, as gjest civil, as shprehje njerzillëku".
Lajme të tjera
-
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01
