TIRANË- Partia Demokratike e quan "lajthitje", reagimin e djeshëm të kryeministrit Edi Rama lidhur me raportin e Freedom House, ku shkruante se në Shqipëri ka rënie të nivelit të demokracisë.
PD-ja i përgjigjet kreut të qeverisë, sipas së cilit e ka interpretuar gabimisht me qëllim, këtë raport ku ndonëse ka një rënie të nivelit të demokracisë, Rama e shpalli Shqipërinë kampione ballkanike!
"Ka një lajm më të keq se vetë raporti i Freedom House. Ai gjendet tek konkluzionet e Kryeministrit për këtë raport. Në një lajthitje të mbasdites së djeshme ai e lexon me lentet e tij raportin dhe nëpërmjet një postimi e shpalli Shqipërinë kampione ballkanike për të drejta e liri demokratike. Edhe më rëndë, Kryeministri angazhohet që të thellojë arritjet e përmendura në raport. Në një dalje publike dje u zotua se do ta miratojë paketën e ligjeve për mediat në parlament. Kjo sjellje e Kryeministrit është hakmarrje ndaj gjuhës së raporteve për Shqipërinë dhe njëkohësisht epilogu i marrëdhënieve të kësaj qeverie me proceset demokratike dhe integruese të Shqipërisë dhe Shqiptarëve", shkruhet mes të tjerave në deklaratën e PD-së.
Deklarata e plotë
Raportet për Shqipërinë sa vijnë e ashpërsojnë gjuhën e tyre. Ka një lidhje mes gjuhës së përdorur nga këto raporte dhe fatit të qeverive për të cilat shkruhen këto raporte. Raporti i djeshëm i Freedom House, përcjell mesazhin e hidhur të degradimit të demokracisë në Shqipëri. Freedom House raporton se mazhoranca në Shqipëri ka vjedhur zgjedhjet dhe ka vrarë parlamentarizmin. Raporti si asnjëherë më parë e merr Shqipërinë shembull për të ilustruar degradimin e parlamentit dhe të procesit ligjbërës, pamundësimin e rolit të opozitës në institucione, si dhe angazhimin e qeverisë për të asfiksuar median e lirë dhe reformën zgjedhore. Margjinalizimi i opozitës, goditja e hapur ndaj institucioneve demokratike, janë po ashtu akte të mazhorancës në dëm të demokracisë në Shqipëri. Në asnjë gërmë apo fjalë ky raport nuk shpreh ndonjë vlerësim për Shqipërinë, përkundrazi në përfundim Shqipëria vlerësohet në rënie në krahasim me vitin e shkuar duke u konsoliduar si shtet nën regjim hibrid. Por ka një lajm më të keq se vetë raporti i Freedom House. Ai gjendet tek konkluzionet e Kryeministrit për këtë raport. Në një lajthitje të mbasdites së djeshme ai e lexon me lentet e tij raportin dhe nëpërmjet një postimi e shpalli Shqipërinë kampione ballkanike për të drejta e liri demokratike. Edhe më rëndë, Kryeministri angazhohet që të thellojë arritjet e përmendura në raport. Në një dalje publike dje u zotua se do ta miratojë paketën e ligjeve për mediat në parlament. Kjo sjellje e Kryeministrit është hakmarrje ndaj gjuhës së raporteve për Shqipërinë dhe njëkohësisht epilogu i marrëdhënieve të kësaj qeverie me proceset demokratike dhe integruese të Shqipërisë dhe Shqiptarëve.
Komente
Lajme të tjera
-
FOTOLAJM/ Rama shijon diellin e Korçës mbas Hallouinit
2 Nëntor, 12:53 -
FOTOT/ Lungomare 3, i dhuron Vlorës shëtitoren më të gjatë në Mesdhe
2 Nëntor, 12:50 -
Ervin Salianji letër nga burgu i përgjigjet Ramës: Më paracaktove dënimin! Je arkitekti i bashkerendimit të punëve me kriminelët për votën
2 Nëntor, 11:09 -
Rama në Podcast: Po hapet një korsi e re për pensionet, do e realizojmë
2 Nëntor, 10:06 -
Zgjedhjet 2025/ Celibashi: Po punojmë me PD-në për të mundësuar votimin elektronik në qarkun Tiranë
1 Nëntor, 21:45 -
Ilir Meta ‘ndjek’ Ramën nga burgu: Ekzaltimi fals i kryeministrit për negociatat, procesi duhej të ishte mbyllur prej kohësh
1 Nëntor, 19:00 -
Rama ndoshta është si Hiroito!
1 Nëntor, 18:59
-
'Gjetëm skemë pensionesh skandaloze, bëmë reformë', Rama në Korçë me pensionistët: Kush punon ende, sigurimi shoqëror do jetë në funksion të pensionit të vet
1 Nëntor, 18:20 -
Të dielën me shqiptarët në Selanik, Rama: Rikthehem atje ku historia na ka lidhur me 1 mijë fije me fqinjët tanë jugorë
1 Nëntor, 15:48 -
PS i shtrin dorën e bashkëpunimit opozitës, Etjen Xhafaj: Gati të ulemi në tryezë me PD! Gazetarja: Jo për sy e faqe, duhet të ofroni diçka
1 Nëntor, 15:03 -
PD çon Ligjin për ‘Zonat e Mbrojtura’ në Kushtetuese, Zhupa për Report TV: Kthehen në beton, s’është politikë! S’mund të shndërrohen në vilat e oligarkëve
1 Nëntor, 14:42 -
Vijojnë punimet për ndërtimin e Teatrit të ri Kombëtar, ja pamjet me dron nga kantieri (VIDEO)
1 Nëntor, 12:02
shqiperia demokracia me e madhe ne ballkan :))) haaaaaaaaaa, isoj si sal maloku kur thonte atehere : ja kemi kaluar edhe gjermanise, keta dy palloshat njesoj jane per te rrejt.
PërgjigjuE kam thene! E ardhmja e PD eshte Nard Noka sivllau i magjarit
PërgjigjuPD parti e Lanes Parti e mbetjes te saj.
PërgjigjuO lyl hajdut kriminel shal ngjit Edi Rama mund të ket 100 gabime po Edi Rama s'ka vra njeri o shal ngjit MONSTRA.
PërgjigjuPlus qe nuk ka nenshkruar ndonje marreveshje ne dem te interesave kombetare, si Luli me Greqine.