TIRANË- Lufta mes njëri-tjetrit në Partinë Demokratike ka arritur deri në atë pikë sa Lulzim Basha ka kallëzuar në SPAK 3 deputetë të tij dhe 2 zyrtarë demokrat, për falsifikimin e vulës dhe simboleve të PD-së, në Kuvendin e Sali Berishës së 11 dhjetorit. Report Tv ka mësuar se janë kallëzuar në SPAK, deputetët Belind Këlliçi, Edmond Spaho, Albana Vokshi, si dhe Ivi Kaso, Ervin Minarolli.
Duke i quajtur ish-funksionarë, pasi i shkarkoi dje, në kallëzimin e bërë në SPAK, PD-ja argumenton se 'grupi berishian' ishin në dijeni se po kryenin një vepër penale, por pavarësisht kësaj, kanë vijuar për të realizuar qëllimet e tyre. PD e ka depozituar kallëzimin në SPAK, pasi 3 nga të kallëzuarit janë deputetë. Ato akuzohen për veprën penale të “Falsifikimi i vulave, i stampave ose i formularëve” i kryer në bashkëpunim, parashikuar nga Neni 190 paragrafi i 2 dhe 25 i Kodit Penal.
"Këta janë përsona që kane patur funksione në PD, kanë dijeni për rregullat e statutit, dhe e kanë kryer veprën penale të përdorimit të vulës dhe simboleve për të realizuar qëllimet e tyre, pavarësisht se ishin në dijeni të pasojave ligjore", thuhet ndër të tjera në kallëzimin e SPAK të PD.
Kallëzimi i PD në SPAK
Logoja e PD-së ishte kudo e vendosur në 'Air Albania' aty dhe ku u mbaj Kuvendi i 11 dhjetorit të Sali Berishës, që nga podiumi ku ishin vendosur folësit, flamujt që valëviteshin në tribunë, fletët e votimit e deri tek shajet që iu dhuruan delegatëve për shkak të temperaturave të ulëta. Megjithatë, në Kuvend u miratua një "logo" e re, e "modelit të vjetër". Berisha riktheu logon e vjetër të demokratëve, duke ndryshuar llojin e shkrimit, ngjyrë blu të theksuar, vizat e ndara te shkronja "D". Kjo bëri që PD-ja zyrtare t'i akuzojë "për falsifikim të vulave, stampave ose i formularëve kryer në bashkëpunim".
Prej 9 shtatorit, kur dhe Berisha u pezullua nga grupi parlamentar, në selinë ka nisur një luftë mes njëri-tjetrit, duke bërë një parti e cila është më e ndarë se kurrë në historinë 31-vjeçare të themelimit të saj. Një Kuvend u mbajt në 11 dhjetor ku mori disa vendime, mes tyre shkarkimin e Lulzim Bashës apo ndryshime në statut, nga ana tjetër ky i fundit nuk njeh asnjë vendim, duke thënë se Kuvendi i vërtetë është në 18 dhjetor. Megjithatë, nuk i ka kursyer "hakmarrjen" ndaj grupit të Berishës, duke i shkarkuar nga funksionet.
Vula zyrtare e PD dhe vula e re e dalë në Kuvendin e Berishës
Pas kallëzimit të kryedemokratit Lulzim Basha në SPAK, i pari që ka reaguar është deputeti i PD Belind Këlliçi i cili e tha qartë se kjo padi “s'ia bën syri terr”.
Duke iu drejtuar Lulzim Bashës edhe Gazmend Badhit si “Ish” në detyrat e tyre, ai shkruan se përpos 11 padive të tjera që ka, sot iu shtua edhe një.
Këllici në fund dha edhe një sugjerim, duke i thënë të përdorin si dalje nga selia derën e FRPD-së, në anën perëndimore të godinës.
“Nga viti 2015 kur u zgjodha kryetar i FRPD, bashkë me qindra demokratë të tjerë, kemi provuar në kurriz qelitë, gazin lotsjellës dhe dhunën policore. Është bërë gjithçka për të na asgjësuar si Parti Demokratike.
Ndaj meje janë depozituar 11 padi në SPAK nga Erion Veliaj, Ardian Çela, Mirel Mërtiri dhe gjithë fijet e tjera të pushtetit okult të Edi Ramës. Sot m'u shtua edhe një, nga Gazment Bardhi!
Zoti Bardhi!
Ju dhe ish kryetari ynë jeni shkarkuar nga funksionet tuaja nga Kuvendi Kombëtar i Partisë Demokratike më 11 dhjetor 2021.
Me padinë tënde të porositur s'ma bën syri tërr.
Ju sugjeroj të përdorni si dalje nga selia derën e FRPD-së, në anën perëndimore të godinës.
Rroftë Partia Demokratike e Shqipërisë! Parti sovrane e demokratëve të lirë!”, shkruan ai në rrjetin e tij social.
Komente
Lajme të tjera
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Dosja/ 'Me Bajrët je në burg, ose varr! Mos i ki besë policëve!’ Si e paralajmëroi Suel Çela ‘gjahtarin’ Prekë Kodra dhe çfarë i premtoi
27 Nëntor, 17:40 -
Buxheti 2025 drejt Parlamentit! Para shtesë për 21 institucione, shtohen shpenzimet me 23 mln euro! KQZ-së i japin 690 mln lekë shtesë për zgjedhje
27 Nëntor, 17:10
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Siguria në shkolla, a po përdoren fëmijët nga Qeveria dhe Opozita?
27 Nëntor, 16:37
Sa ishin bashke,bashke vjedhnin, tash kur jane ndare ne dysh, vjedhin edhe shoqi shojin. me zanat te vjeter, e ne rrugetim te ri.
Përgjigjufiks e ke thene. keta (te dyja palet) si ne shoqeri si vete te njejten gje bejne: uzurpojne, pervetesojne, percajne, direkt padisin ne prokurori, perpiqen te duken ne shumice kur jane nje pakice e mjere e populli i do te zhduken, jane arogante te gjithe me arme ne brez gati per ta nxjere, dhe me nje mllef te papare tashti qe nuk mund te vazhdojne me te zhvasin miliona e miliona pa fund.
Cfare turpi nga nje grup qe kane uzurpuar PD-ne, me ndihmen e Edi Rames. Dmth, mblidhet Kuvendi i PD-se, merr vendim, dhe ky thote i padis ne Spak. E keta do bejne opozite ne Shqiperi, kur nuk i do askush ne partine e tyre. Si ishte, ne fillim nuk kane kuorum, firmat jane fallco (edhe pse nuk gjeten dot nje emer), me pas, kane firmosur me nje gote raki perpara. Ik o Bardhi, puthi prapanices Edi Rames se pa te, as 24 ore nuk qendron ne Seline e Pd-se qe ke uzurpuar. Turp !!!!!
Përgjigju