Partia Demokratike i kërkon qeverisë të shpallë gjendjen e fatkeqësisë natyrore në Shkodër Lezhë e Durrës. Enkelejd Alibeaj kërkoi që të dëmshpërblehen dhe të gjitha familjet e përmbytura ndërsa thumboi Sali Berishën kur tha se përmbytjet nuk duhet të përdoren për luftë politike.
Kryetari i Grupit Parlamentar, ka depozituar sot kërkesën e tij dhe të deputetëve të PD për shpalljen e masave të jashtëzakonshme për shkak të gjendjes së emergjencës natyrore. Alibeaj bashkë me deputetët, Bardhi, Bushati, Koliqi, Bakiu, Bushati, Lika dhe Ulliri kërkuan interpelancë me kryeministrin Rama.
“Duke parë zhvillimet e këtyre ditëve një pjesë e deputetëve tanë të PD-së, kanë iniciuar një kërkesë drejtuar kryeministrit me të cilën kërkohet shpallja e gjendjes së fatkeqësisë natyrore në këto 3 qarqe. Situata e 3 ditëve të fundit ka shkaktuar problematika në 3 qarqet, Shkodër, Durrës dhe Lezhë. Ka dëmtuar të mbjella, pasuri natyrore por dhe humbje të jetëve. Nisur nga kjo kemi kërkuar me anë të kësaj kërkesë, për tu përmbushur kriteret ligjore për shpalljen e emergjencës. Kjo është një kërkesë juridike jo politike. Kërkesa jonë i drejtohet kryeministrit për shpalljen e gjendjes së jashtëzakonshme, është një kërkesë e bazuar në kushtetutë, legjislacion për një arsye të thjeshtë. E kuptoj që sa herë ka të tilla ngjarje politika vrapon tek to. Duam të kalojmë nga një situatë e debatit politik te një nivel i situatës ligjore. Presim që një orë e më parë qeveria të mblidhet dhe të shqyrtojë këtë kërkesë. ”- tha Alibeaj ndër të tjera.
Situata me motin e keq ka veçuar edhe njëherë kampin e selisë blu, së paku këtë tregoi Alibeaj në pyetjen drejtuar nga gazetarja e Report Tv Danjela Maloku.
Nisur nga reagimet e ashpra politike të bëra ditën e djeshme që pati protagonist ish kryeministrin Sali Berisha në terrenin e Shkodrës dhe përplasjet në distancë me Ramën, Alibeaj thotë se janë debate të panevojshme politike. Sipas Alibeaj nuk është e nevojshme të shkuarit në terren për të treguar solidaritet me qytetarët pasi për të mesazhi më i madh për qytetarët është ndihma e shtetit dhe e qeverisë, të cilën e cilëson si ‘letargjike’.
“E thatë vetë dhe unë e thashë në fjalën time, unë në shtëpinë time kam çizme për të shkuar atje, por në këtë situatë është e rëndësishme ngritjen e alarmit nga kushdo. Por do doja dhe këtu dua të jem i sinqertë që në situatën ku ndodhemi duhet të bëhet nga qeveria. I dërgoj këtë kërkesë pikërisht për t’iu shmangur debateve të vogla politike. Mesazh më i rëndësishëm se të qenurit afër është vetë shteti dhe ndihma e qeverisë. Që të jenë pranë njerëzve në ditë të zeza si këto. Ajo që është më e keqe është ‘letargjia’ e qeverisë përballë kësaj situate.”- tha Alibeaj.
Deputetja e partisë Demokratike, Lindita Metaliaj ka akuzuar qeverinë dhe institucionet përgjegjëse për situatën e krijuar nga përmbytjet në Shkodër. Në një deklaratë, Metaliaj tha se qeveria po abuzonte me energjinë duke e blerë me çmimin më të shtrenjtë dhe duke e shitur me çmimin më të lirë ndërkohë që mund të prodhonte.
Ajo bëri thirrje për shpallje të gjendjes së jashtëzakonshme dhe për verifikim të dëmeve që përmbytjet kishin shkaktuar.
“Apeli im është që qeveria t’i thirr mendjes t’i leje udhëtimet se ndërkohë që i gjithë shteti është në ajër qytetarët ndodhen nën ujë. Të shpallë gjendjen e emergjencës së jashtëzakonshme t’ju vij pranë qytetarëve, t’i verifikojë me sy të gjitha dëmet që po bëhen në mënyrë që t’ju sigurohet mbështetje për banesë, për ushqime dhe për të gjitha prodhimet bujqësore që ndodhen nën ujë.
Ka shumë familje të cilat janë të rrethuar nga uji. Nga ajo se çfarë patë ju ose keni konstatuar për çfarë kanë më shumë nevojë këta banorë për momentin? Aktualisht që flasim ato kanë nevojë për ushqime por edhe për ilaçe.
Një pjesë tjetër dhe për veshmbathje se aktualisht janë nën ujë por edhe gjëja e gjalla kanë nevojë për ushqime sepse janë totalisht të mbuluar me ujë”-tha Metaliaj.
Komente
Lajme të tjera
-
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
'Të gjithë le ta marrin një diplomë', Berisha kërkon t'i kthejë Universitetet 'han pa porta'
18 Dhjetor, 11:06 -
PD: Të zgjerohet falja e gjobave, paratë mbrapsht kujt pagoi! Fshini detyrimet për ujë e drita dhe gjobat e policisë
18 Dhjetor, 10:51 -
Dorian Teliti sulmon kryebashkiakun e PD, Fisnik Qosja: Kavaja, një qytet i vdekur
18 Dhjetor, 10:02 -
Çelja e negociatave për Grupkapitullin 6, Rama: Një tjetër ditë krenarie, drejt objektivit të anëtarësimit të Shqipërisë në BE brenda 2030 (FOTOT)
18 Dhjetor, 08:42 -
SHBA edhe një herë 'Jo' Berishës/ Valteri: I vdekur, i pakallur! Tafani: Mesazhi i qartë, 'Mos shkoni tek PD-ja'! Kulluri: Amerikanët kanë problem këtu korrupsionin dhe krimin
17 Dhjetor, 21:41 -
'Nuk ka më protesta klasike', Korreshi në Frontline: Berisha po vijon betejën për non-gratën! Nuk ka marrëveshje me PS-në
17 Dhjetor, 20:12 -
'Jeni zgjedhur pa asnjë kushëri dhe parti', Rama me stafin civil e ushtarak shqiptar në NATO: Kushedi sa italianë e gjermanë keni lënë pa punë
17 Dhjetor, 19:50 -
Ironia e Spahiut: Trump do i heq dekoratën Dumanit dhe Dvoranit, për t’ja dhënë të dyja Berishës
17 Dhjetor, 19:43 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37
Mos u lodhni kot.Po te kish ndodh ne jug do e shpallte menjeher...per veriun nuk e rru fare Rama
Përgjigju