PD 'në garë' edhe për mandatin e Xhaçkës, 'Rithemelimi' kërkesë tjetër! Avokati i ministres: Çështja s'mund të dërgohet në Kushtetuese, deputetja s'ka përfituar asgjë

Në Këshillin e mandateve të Kuvendit të Shqipërisë  është dorëzuar sot një tjetër kërkesë për heqjen e mandatit të deputetes Xhaçka. Kërkesa është bërë nga 14 deputetë të ‘Rithemelimit’, pa firmën e Berishës, duke e bërë këtë të pranueshme nga Partia Socialiste kërkesën.

Deputeti demokrat Gazmend Bardhi ka akuzuar ministren e Jashtme se po fshihet pas avokatit të saj prandaj nuk mori pjesë sot në mbledhjen e Këshillit të Mandateve. Bardhi tha se PS po zvarrit kërkesën e PD-së deri në seancën e fundit të sesionit parlamentar me qëllim që të hiqet nga vëmendja e opinionit publik.

"U kthye në kundërshtim me rregulloren si seancë leximi. Deputetëve të opozitës dhe maxhorancës e drejta për të kërkuar shpjegime, jo nga Xhaçka, se kishte vendosur të fshihej pas avokatit, të paktën të kërkonim shpjegime nga avokatët. -8 mijë metër katrorë të vijës bregdetare konsiderohen si hiç. Cili nga qytetarët shqiptarë i palidhur me ministren Xhaçka ka pasur mundësinë të përfitojë 8 mijë metra katrorë menjë çmim qesharak 3 lekë dhe të konsiderohej si veprimtari jofitimprurëse.

Ministrja ka pranuar se bashkëshorti i saj ka përfituar nga pasuri publike, me firmë të Ramës. Dua të përsëris se janë dy vendime të kom të institucioni strategjik dhe këshillit të ministrave që i kanë lejuar Xhaçkës të përdorë vijën bregdetare dhe të shtrojë veprimtari fitimprurëse. Neni 27 i ligjit i ndalon ministrit apo bashkëshortin që të nuk mund të zotërojë aksione në një shoqëri tregtare pavarësisht nga fusha e veprimtarisë së tij. Nëse bashkëshortit vendos të ushtrojë veprimtare publike, duhet të heqë dorë ministrja nga funksioni publik. E gjithë kjo që keni parë, zvarritja e kësaj kërkese kanë qëllim që kjo çështje t’i nënshtrohet apo të jetë në rend dite ne seancën e fundit plenare sepse mendojnë se përfundon sesioni parë dhe Olta bashkë me bashkëshortin dhe qeveria do shkojnë me pushim, ndoshta në resortin ku ministrja planifikon të investojë 5.54 mln euro dhe shqiptarët të harrojnë që duke shfrytëzuar pozicionin publik ministrja i ka dhënë bashkëshortit 8 mijë metër katrorë pronë publike në jug të vendit", tha Bardhi. 

Avokati i Olta Xhaçkës ka thënë në mbledhjen e Këshillit të Mandateve se dhënja e statusit të ‘investitorit strategjik’ dhe dhënien e plazhit për shftyëzim për kompaninë e bashkëshortit tëv deputetes, nuk janë bërë në kundërshtim me ligjin për konfliktin e interesit. Sipas tij askush nuk garanton se automatikisht me marrjen e statusit garantohet veprimtari fitimprurëse, por thjesht paramendohet për të ardhmen.

“Dhënja e statusit nuk është dhënë në kushtet e konfliktit të interesit. Në rastin kur një subjekt ka marrë statusin e ‘investitorit strategjik’. Nuk është duke u ushtruar një veprimtari përfituese. Të gjitha janë në pikëpyetje: nëse në të ardhmen do të ushtrohet apo jo një veprimtari përfituese. Strukturat hoteliere janë ende në hetim. Dhënja e bregut të detit nuk është dhënie pasurie për përfitim por domosdoshmëri për dhënie shërbimi. Përdorimi i hapësirës publike nuk mund të konsiderohet për përfitim publike”, tha ai.

Avokati i ministres, Olta Xhaçka, në mbledhjen e Këshillit të Mandateve në Kuvend ka thën se  kërkesa për heqje mandati nuk mund të dërgohet në Gjykatë Kushtetuese pasi sipas tij nuk plotësohet kushti që duhet të jetë vetë deputeti që kryen veprimtari përfituesi. Vetëm për këtë shkelje Kuvendi ka të drejtë ta vërë në lëvizje Gjykatën Kushtetuese.

“Vetëm kur deputeti vetë përfiton. Vetëm me këtë shkelje kushtetutbërësi ka parashikuar veniën në lëvizje të Gjykatës Kushtetuese për të hequr mandatin e deputetit.  Olta Xhaçka nuk ka përfituar asgjë nga ndonjë pasuri e shtetit.  Gjykata Kushtetuese ka thënë se kërkesa për heqjen e mandatit mund të dërgohet vetëm kur bëhet fjalë për vetë deputetin, kur ai është përfitues.

Duhet të bëhet një verifikim nga ana formale duke marrë parasysh edhe vendimin e vitit 2016 të Gjykatës Kushtetuese që thotë se nëse nuk është vetë deputeti që përfiton atëhetë ajo nuk ka juridiksion që ta shqyrtojë një kërkesë të tillë.  Pyetja duhet të jetë: A ka përfituar ndonjë pasuri deputetja Olta Xhaçka nga organet e shtetit dhe organet e pushtetit vendor? Ajo nuk ka ushtruar vetë ndonjë veprimtari përfituese nga pronat e shtetit dhe nuk rezulton e provuar se ajo ka përfituese. Pra, rasti i saj nuk shkel nenin 70, pika 3, e Kushtetutës”, ka thënë ndër të tjera avokati.