POP 5

Lajmet më të lexuara të 5 minutave të fundit

Politikë

PD: Me shkarkimin e Nevila Nikës
Rama arshivoi standardet

Partia Demokratike denoncon shkarkimin e Nevila Nikës nga post ii drejtoreshës së Arkivit Qendror të Shtetit.
PD: Me shkarkimin e Nevila Nikës<br />Rama arshivoi standardet
TIRANE-  Partia Demokratike denoncon shkarkimin e Nevila Nikës nga post ii drejtoreshës së Arkivit Qendror të Shtetit.

Sipas PD-së me largimin e saj kryeministri Rama nuk tregoi respekt për një personalitet. Fshiu me një të rënë të lapsit kontributin e  “një historianeje të njohur, ekspertja më e mirë e arkivave të vendit, zotëruese e 5 gjuhëve të huaja, dhe një punëtore e palodhur në këtë institucion prej më shumë se 35 vitesh.” 

“Me ndryshimet në arkivën qëndrore të shtetit, Kryeministri Edi Rama ka arshivuar një herë e mirë standartet kulturore, propagandën e tij për meritokracinë, dhe premtimet e tij për cilësi në qeverisje.”- tha Silvi Bardhi zëdhënësja e Partisë Demokratike.

Sipas PD-së kryeministri po manifeston çdo ditë babëzinë barbare në kontrollin e cdo institucioni dhe është e qartë se personalitetet e shquara të vendit i bëhen atij pengesë në këtë ambicie të pafre.
 
“Kryeministri i ka zbritur standardet cilësore në nivelin 0, dhe ka treguar se nuk gëzon asnjë lloj ndjeshmërie ndaj institucioneve të veçanta si arkiva e shtetit.  Me mënyrën e shkarkimit, duke i dërguar dorazi zonjës Nika fermanin e zi, përmes zëvendësuesit të saj, zoti Rama ka konfirmuar dhe një herë largësinë e tij të madhe me etikën dhe respektin ndaj dinjitetit human. Personalitete si Nevila Nika apo Zhani Ciko, i zënë rrugën projektit të kryeministrit për të sunduar kudo. Mediokriteti është i vetmi aleat që ai mund të ketë në rrugën e tij.”- tha Bardhi.

Redaksia online
(sg/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

VIDEOLAJM/ Dita e Pavarësisë, 112-vjetori festohet edhe në Fier! Qytetarët me flamuj kuq e zi paradë në qendër të qytetit

VIDEOLAJM/ Dita e Pavarësisë, 112-vjetori festohet edhe në Fier! Qytetarët me flamuj kuq e zi paradë në qendër të qytetit

28 Nëntor, 19:29