Anëtarësia e PD në Durrës asnjë ndryshim listës, konfimohen të gjithë kandidatët, kush ishin më të kontestuarit, por që kaluan

Emrat me më peshë të Partisë Demokratike, janë kundërshtuar më shumë nga anëtarëia e Durrësit e cila kishte rradhën për të miratuar kandidatët në listën prej 28 vetësh. Burime për Report Tv bëjnë me dije se emrat që morën më shumë vota kundër ishin Dejana Burgjia, Igli Cara, Pëllumb Berisha, Ardian Muka. 

Tre të parët morën më tepër se 400 vota kundër, por arritën t’i shpëtonin ndëshkimit të bazës. Një kandidat në degën e Durrësit  duhej të merrte 615 vota kundër, pra 20% të numrit total të votuesve. Nga 3075, zgjodhën që këtij procesi t'i përgjigjen vetëm 2253 anëtarë të Partisë Demokratike.

Të shtunën demokratët e qarkut të Durrësit nuk arritën të skualifikonin asnjë prej 28 emrave të propozuar nga Komisioni i Vlerësimit të Kandidaturave, ndonëse kontestuan disa prej tyre. Njëjtë si në Durrës, edhe kandidatët e mundshëm për deputet në degët e tjera, Shijak, Krujë dhe Fushë Krujë do t'i nënshtrohen të gjithë fazës tjetër të përzgjedhjes.

Edhe në këto degë, pjesëmarrja e anëtarëve në votime ishte e ulët, rreth 65%. Por indiferenca e anëtarësisë në procesin e votimit, që në çdo qark u ndoq nga afër edhe nga Gazment Bardhi nuk vihet re vetëm në Qarkun e Durrësit.

Gati gjysma e anëtarësisë refuzuan votimin edhe në qarqe të tjera si Kukësi, Gjirokastër, Dibër, Berat, Shkodër  e Lezhë. Do të jetë pikërisht Komisioni i Vlerësimit të Kandidaturave që pas rishqyrtimit të emrave, do të hartojë listën përfundimtare të kandidatëve të mundshëm.

Më pas ata do ia kalojnë listën kryesisë, e cila ka të drejtë të propozojë edhe 20% të listës finale. Ndërkohë këtë të dielë, zhvillohet procesi i votimit nga anëtarësia e Elbasanit, e cila mes 45 kandidatëve të mundshëm duhet të votojë për të lënë jashtë liste emrat të cilët nuk i sheh si përfaqësues të denjë në parlamentin e ardhshëm.

Lista me kandidatët e konfirmuar:

1.      Ardian Muka

2.      Arjan Dedej

3.      Arlind Boshku

4.      Armand Teliti

5.      Artion Bajramaj

6.      Blerina Reçi

7.      Dejana Burgia

8.      Edlira Devolli

9.      Edmond Hoxha

10.    Enri Ceno

11.   Erald Dervishi

12.   Erzen Laçi

13.  Fatbardha Kadiu

14.  Florid Shazivari

15.  Gazmend Oketa

16.  Igli Cara

17.  Ivo Jorgoni

18.  Manjola Luku

19.  Merita Danovelli Çela

20.  Mirela Shala

21.  Nasild Alikaj

22.  Neritan Golja

23.  Oerd Bylykbashi

24.  Pëllumb Berisha

25.  Redi Myshketa

26.  Riselda Kalia

27.  Sokol Kapedani

28.  Xhorxh Aleksi

Ajo që ra në sy ishin emrat e personave të distancuar nga PD si njerëz të Sokol Olldashit. Igli Cara dhe Armand Teliti tashmë kanë hyrë në garë të propozuar nga anëtarësia e PD.

Që të dy, në periudha të ndryshme kanë udhëhequr PD e Durrësit e që të dy kanë arritur nga një fitore dhe nga një humbje.Teliti fitoi në 2005 zgjedhjet politike por humbi në 2007 bashkinë e Durrësit.

Cara fitoi në 2009 por humbi në 2013. Gjithashtu në PD u rikthye Gazmend Oketa pas një eksperience në partinë e BamirTopit.

Por 28 kandidatët do të duhet t’i nënshtrohen sërish të tjerë filtrave në PD. Pavarësisht se morën votëbesimin e anëtarësisë (pra nuk u votuan kundër), emrat  etyre duhet të kalojnë sërish në Komisionin e vlerësimit të Kandidaturave. Do të jetë pikërisht ky komision që pas rishqyrtimit të emrave, do të hartojë listën përfundimtare të kandidatëve të mundshëm.

Më pas ata do ia kalojnë listën kryesisë, e cila ka të drejtë të propozojë 20% të listës finale me të cilën Partia Demokratike do të garojë në zgjedhje. Listën përfundimtare do ta miratojë në bllok Këshilli Kombëtar i selisë blu, i cili ka për Kryetar pikërisht Bujar Nishanin, që është njëkohësisht një nga anëtarët e Komisionit që po bën filtrimin kryesor të emrave me të cilët kjo forcë politike synon të shkojë në garën elektorale.

E.M./I.K/Shqiptarja.com

TAG:
• Durres
• PD
• votimi i kandidateve te pd