PD: Nesër publikojmë dokumentet për skandalet e Sonila Qatos

TIRANË-- Partia Demokratike e ka cilësuar dorëheqjen e drejtoreshës së ARRSH-së, Sonila Qato, si një marifet të kryeministrit Edi Rama për të larguar vëmendjen nga skandalet e saj, duke qenë se vendimi erdhi vetëm pak minuta para se të jepet vendimi për ish-ministrin e Brendshëm Saimir Tahiri. Nëpërmjet ish-deputetes Jorida Tabaku, PD-ja deklaron se nuk kemi të bëjmë me një dorëheqjen, por e ka larguar vetë kreu i qeverisë. Në fund ka shtuar se PD-ja do të publikojë dokumente që vërtetojnë aferat korruptive të Qatos.

"Largimi i Sonila Qatos, pjesë e luftës së brendshme për vjedhjen e milionave eurove me kompanitë e Edi Ramës. “Nesër nxjerrim provat”

Me parimin një vjedhje të madhe mbuloje me një zhurmë më të madhe, Edi Rama, largoi nga detyra drejtoreshën e Agjencisë së Rrugëve, Sonila Qato 1 orë përpara se gjykata të marrë vendimin për Saimir Tahirin. Nje doreheqje qe ka qene gati qe dje e firmosur!

Edi Rama po përpiqet të mbulojë luftën e egër që ka plasur mes grupeve në PS me shpresën se gjyqi i Tahirit do të bëjë të harrohet skandali i Sonila Qatos, I Belinda Ballukut dhe I kompanive me të cilat, Rama, bashke me to, vjedh shqiptarët!

Asgjë nuk do të harrohet! Çdo aferë korruptive do t’i bëhet e njohur publikut! Partia Demokratike do të sjellë që nesër prova për skandalin që detyroi Sonila Qaton të largohet", njofton PD.

B.K./Shqiptarja.com

TAG:
• PD
• Jorida Tabaku
• Sonila Qato