POP 5

Lajmet më të lexuara të 5 minutave të fundit

Politikë

PD: Po ndryshoni Ligjin e Gjendjes Civile për të manipuluar zgjedhjet, Lleshaj: Rrini të qetë, atë që bënit ju me listat ne s'do e bëjmë

Ministri i Brendshëm, Sandër Lleshaj shkruan në llogarinë e tij në Facebook se ata që luanin me listat e zgjedhësve të rrinë të qetë sepse kjo nuk do të përsëritet.

PD: Po ndryshoni Ligjin e Gjendjes Civile për të manipuluar zgjedhjet, Lleshaj: Rrini të qetë, atë që bënit ju me listat ne s'do e bëjmë

Oerd Bylykbashi dhe Sandër Lleshaj

TIRANË- Akuzave të ish-deputetit të Partisë Demokratike, Oerd Bylykbashit se po ndryshohet ligji për Gjendjen civile për të manipuluar zgjedhjet e 25 prillit, i është përgjigjur ministri i Brendshëm Sandër Lleshaj, i cili thotë se asnjë ankesë konkrete nuk është provuar dhe se nuk ekziston  asnjë mundësi që dikush të luajë me listat e zgjedhjeve.

‘Asnjë pasiguri apo frikë parazgjedhore nuk justifikon përpjekjet për dezinformim të publikut nga aktorët politikë. Që nga fillimi i muajit tetor 2020, janë publikuar 2 ekstrakte të listave zgjedhore, të cilat janë afishuar në të gjitha bashkitë si dhe janë të aksesueshme tek portali e-Albania. Asnjë ankesë konkrete për "lëvizje nga qendrat e votimit" nuk është provuar deri tani. Dhe kështu do të vijohet deri në fund. Asnjë mundësi nuk ekziston që dikush të luajë me listat e zgjedhësve’, shkruan Lleshaj.

Gjithashtu ministri Sandër Lleshaj shkruan në Facebook se ata që luanin me listat e zgjedhësve të rrinë të qetë sepse kjo nuk do të përsëritet nga ne.

‘Ata që e kanë bërë vetë dikur këtë gjë dhe tani druhen se mos kjo gjë do të përsëritet nga ne, duhet të jenë të qetë dhe të qartë: ASNJË qytetar nuk mund të lëvizet drejt një adrese të re zgjedhore jashtë vullnetit të tij dhe jashtë përcaktimeve ligjore. ASNJË’, thuhet në postimin e Ministrit të Brendshëm.

er.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mondi: 20/11/2020 01:56

    Po e ndjeni humbjen dhe filluan justifikimet o Bylyk i Bashes

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Pentagoni do të dërgojë 1.500 trupa aktive në kufirin me Meksikën, thonë zyrtarët

Pentagoni do të dërgojë 1.500 trupa aktive në kufirin me Meksikën, thonë zyrtarët

22 Janar, 20:54