POP 5

Lajmet më të lexuara të 5 minutave të fundit

Arkiva

PD-PS, të hënën marrëveshje
për tre ligjet e integrimit

Kur mbeten dhe pak orë nga mbajtja e seancës plenare të ditës së hënë, ku pritet të hidhen për votim 3 ligjet që mazhoranca i ka etiketuar si të integrimit, palët janë duke bashkëpunuar për arritjen e një konsensusi në pikat të veçanta.
TIRANE - Kur mbeten dhe pak orë nga mbajtja e seancës plenare të ditës së hënë, ku pritet të hidhen për votim 3 ligjet që mazhoranca i ka etiketuar si të integrimit, palët janë duke bashkëpunuar për arritjen e një konsensusi në pikat të veçanta. Thirrja e kryeministrit Berisha për të mbledhur dhe për të miratuar të hënën 3 ligjet si duke shtuar edhe amnistinë fiskale mori përgjigjen pozitive të kryesocialistit Edi Rama.

Burime bëjnë të ditur se nga dy partitë e mëdha kanë filluar negociatat nga përfaqësues të këtyre partive, ku janë duke shqyrtuar pikat në të cilat nuk kanë patur konsensus lidhur me ligjin për nëpunësit civil, Gjykatën e Lartë dhe rregulloren e Parlamentit. Por ende nuk dihet asgjë nëse palët do të bien dakort për plotësimin e vendeve vakante në KQZ apo do të kërkojnë rikonfigurimin e institucionit administrues të zgjedhjeve.

Lidhur me këtë pikë PS ka propozuar që ka ende kohë që ky institucion të zgjidhet edhe një herë me të vetmin ndryshim që kryetari i tij të votohet nga Parlamenti me shumicë të cilësuar votash. Apeli për futjen e KQZ, aktualisht me 4 anëtarë,në rendin e mbledhjes së hënës erdhi nga kryediplomati amerikan, Aleksandër Arvizu.

Ndërkohë që për propozimin e kryeministrit Berisha për votimin e amnistisë fiskale, kjo gjë është e pamundur pasi Ministria e Financave ende nuk ka përgatitur një draf ligjor në formën e projektligjit për ta kaluar në Kuvend. Gjithësesi rregullorja e Parlamentit ka të përcaktuar qartë se kur thërriten seanca të jashtëzakonshme, pasi kjo konsiderohet e tillë duke marrë parasysh se në bazë të kalendarit të Konferencës së Kryetarëve, Parlamenti i mbylli punimet për këtë sesion që në datën 23 maj.

BERISHA

“U them se të hënën do mblidhet parlamenti për të votuar 3 ligjet. Ne shkojmë ballëhapur, se ne bëmë gjithçka për të merituar statusin e vendit kandidat. Ne çdo ditë kërkuam votimin e ligjeve, ndërsa ti vjen si mjeran në Parlament”.

RAMA

“Qysh ditën e parë kur kryetari i LSI-së ka dalë me një paketë kompromisi për të miratuar të tre ligjet dhe vendosur që ato të hynë në fuqi me Parlamentin e ri, ne jemi shprehur dakord”.

META

“Dua të falënderoj kryetarin e PS,z.Edi Rama për gatishmërinë e qartë dhe pa ekuivoke që ai demonstroi dje duke treguar vullnetin e plotë të forcës politike që përfaqëson për të miratuar tre ligjet, sipas kompromisit që ato të hyjnë në fuqi në shtator me Parlamentin e ri. Besoj se tani është koha e Kryeministrit aktual, z.Berisha për të treguar të njëjtën gatishmëri dhe qartësi pa ekuivoke, që ne në ditët që vijnë t’i votojmë këto tre ligje,t’i japim këtë mesazh të përgjegjshëm gjithë qytetarëve shqiptarë”.

Shkrimi u botua sot në gazetën Shqiptarja.com (print) 26.05.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03