POP 5

Lajmet më të lexuara të 5 minutave të fundit

Politikë

PD: Shefi i krimeve të Mirditës,krah
Arben Ndokës për zgjedhjet në Dibë

Sekretari i përgjithshëm i Partisë demokratike Arben Ristani në një deklaratë për mediat, ka thënë sot se, shefi i krimeve të policisë së Dibrës, ka nisur fushatën në Dibër, përkrah Arben Ndokës, çka sipas tij tregon tmerrin e kryeministrit për humbjen në Dibër.  VIDEO
PD: Shefi i krimeve të Mirditës,krah<br />Arben Ndokës për zgjedhjet në Dibë
Sekretari i përgjithshëm i Partisë demokratike Arben Ristani në një deklaratë për mediat, ka thënë sot se, shefi i krimeve të policisë së Dibrës, ka nisur fushatën në Dibër, përkrah Arben Ndokës, çka sipas tij tregon tmerrin e kryeministrit për humbjen në Dibër.

Sipas Ristanit, Rama ka vënë në dispozicion të banditëve e kriminelëve oficerë të korruptuar dhe të kriminalizuar të policisë me qëllimin e vetëm, atë të fitores së zgjedhjeve në Dibër.

Përveç kësaj, Ristani ka atakuar edhe kandidatin e Partisë Socialiste për kryetar bashkie në Dibër se ka bërë pakt me krimin.
 
Ja deklarata e plotë e Arben Ristanit​
Deklaratë e Sekretarit të Përgjithshëm të Partisë Demokratike, Arben Ristani
I braktisur nga dibranët dhe shqiptarët dhe përballë humbjes së thellë  të 11 shtatorit,  Edi Rama ka mobilizuar banditë e kriminelë dhe u ka vënë atyre në dispozicion oficerë të korruptuar dhe të kriminalizuar të policisë. Përkrah trafikantit të femrave Arben Ndoka, në fushatën elektorale të Dibrës, Edi Rama ka çuar, siç e shihni në këtë foto të publikuar nga mediat,  shefin e krimeve të Mirditës, Klajdi Osmani. Ky person i njohur si garant i trafikantëve të drogës në Mirditë,  është angazhuar në fushatën elektorale të Partisë Socialiste në Dibër. 
Ky fakt i zbuluar nga mediat, rikonfirmon se Edi Rama e ka bazuar të gjithë fushatën e Dibrës  tek bandat dhe kriminelët me të cilët e gënjen mendja se do të frikësojë dhe tjetërsojë vullnetin e zgjedhësve.
 Por dibranët ia bënë të qartë vendimin e tyre dje, duke e lënë në vetminë e tij,  se mashtrimet me të cilat erdhi në pushtet nuk mund t’i mbulojë me asnjë trafikant, asnjë kriminel apo bandit me uniformë policie. Humbja e Ramës  është e pashmangshme sepse nuk ka mbajtur asnjë premtim ndaj dibranëve por i ka zhytur varfëri dhe pasiguri. S’ka bërë asnjë investim, s’ka hapur asnjë vend të ri pune, ka dhunuar dhe poshtëruar Dibrën dhe çdo dibran të djathtë e të majtë. E vetmja kontratë që ka Rama dhe kandidati i tij  është ajo me krimin.  
Por i ka bërë llogaritë gabim. S’ka kriminel, bandit apo trafikant që të ruaj pushtetin e Edi Ramës. Koha e tij ka mbaruar. Shqipëria do të jetë më mirë pa Edi Ramën.

Redaksia Online
(F.T/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Përse Wisconsin është thelbësor në garën presidenciale të vitit 2024?

Përse Wisconsin është thelbësor në garën presidenciale të vitit 2024?

4 Nëntor, 18:47