Partia Drejtësi, Integrim dhe Unitet, ka uruar Albin Kurtin, i cili fitoi zgjedhjet e parakohshme parlamentare, duke u bërë kryeministër i Kosovës.

Kryetari i kësaj partie ndër të tjera ka thënë se Kosova na dha një leksion demokracie.

Deklarata:  Urime VETVENDOSJES dhe Albin Kurtit për fitoren në zgjedhje dhe lus nga zemra që ai të rikthejë shpresën dhe besimin tek qytetarëte Kosovës e sa me shpejt Kryeministër.  Kosova Republika më e re na dha të gjithëve një leksion demokracie:

1. Zgjedhjet e parakohshme nuk janë fundi i botës, por ushtrim demokracie e zgjidhje për Krizat politike. Politikanët vënë atdheun mbi karriken e pushtetit.

2. Zgjedhje të lira të drejta e të barabarta dherezultat i nxjerrë brenda 4 orësh. Kujtojmë votimet moniste të 30 Qershorit, Rilindja garonte e vetme numëronte e vetme dhe ju desh 1 muaj të shpallte rezultatin Zgjedhor e të rakordonte shifrat.

3. Respektimi i zgjedhjeve të lira e të ndershme e të barabarta janë produkt i respektimit të vullnetit të qytetareve nga politika e jo i Kodit Zgjedhor.

4. Demokracia funksionale duhet ndërtuar çdo ditë kundrejt mentalitetit autoritaris.

Kosova është e para!

Shqipëria e bashkuar është e para!


Lajmi kryesor:

Zgjedhjet në Kosovë, Meta: Shembull! Rama: Urime Kurtit, por edhe Veselit për pranimin e humbjes