Kush do ta krijojë qeverinë në Prishtinë dhe kush do ta marrë pushtetin! Ata që bërtasin, të tjerët që presin, apo ata që merren vesh për pushtetin?
Në Mitrovicë u bë nami... dikush e hoqi një barrikadë natën dhe një azgan pushteti tha se "e kishte përmbushur premtimin"! Pak rëndësi ka që pastaj i ndërroi llafet, e rëndësishme që qoftë edhe për pak minuta, ai arriti t’i mbajë medaljet. Nëse për kurrgjë tjetër, për qejf të vetin.
Në kryeqytetin shqiptar të këtyre ditëve, në Lazarat, policia i kishte vënë flakën fushave që të kujtonin tokën e djegur nga barbarët e drogës...
Shkollarët banditë të Kosovës, u tha të ishin shndërruar në kriminelë kibernetik dhe t'ia kishin hedhur testit të maturës, sepse ndryshe do të ishin si "matrullanat" e sa viteve me radhë që ngelnin aty, në klasë...
Në Elbasan dikush kishte kërkuar "drejtësi linguistike" për dialektin e dergjur, qe dyzet e sa vjet, tëgegënishtes, ndërkohë që qindra-mijëra shqiptarë akoma vazhdojnë të mos e kuptojnë kontekstin kulturor e ideologjik të mënjanimit të një dialekti, sa gjysma e gjuhës!
Por pavarësisht shkapërderdhjes në copa të shqipes, në gegënishte apo në labçe, në zhargon apo në normë, zhurmës së ndershme a të pandershme rreth gjuhës, shqiptarët më shumë se të tjerët, kanë nisur të përplasen "në jetën virtuale" të internetit... Javën që shkoi u pa se si rrjetet sociale, e më i famshmi prej tyre “Facebook”-u, mund të shërbejnë për të shpërfaqur hipokrizinë dhe kulturën e munguar të një komuniteti, siç janë maturantët!
Apo ndoshta kjo edhe nuk është kultura e munguar e një komuniteti, por është mënyra e të funksionuarit të tij, sa me ndihmën e prindërve, sa me të pedagogëve apo të pushtetarëve komunalë e të hakerëve!
“Lazarati thërret moj motër, mos më lër vetëm se të kam motër”, ky qe margaritari i barbarëve kibernetik në luftën e pashpallur virtuale të hipokritëve që bubërrojnë në faqen virtuale.
Për çudi java që po ikën, më shumë se një javë, një muaj ose një vit më parë, e ka rikthyer bindshëm kulturën e "peçurkave" të një Bahtirit në Mitrovicë dhe artin despotik të shefave në Prishtinë. Ta kalosh a të mos e kalosh pragun!
Ishte në filozofinë, në mentalitetin dhe në kulturën e shqiptarëve, që ta mbrojnë pragun me çdo kusht, edhe me kry. S’ka rëndësi nëse ai është pragu i shpisë, i pushtetit apo i kanabisit. Lufta për pragun sot është gjithçka. Po thonë se kjo qenka e sanksionuar edhe në Kushtetutë. Veç barrikadat nuk qenkan aty dhe me to mund të luajnë të gjithë, si të duan!
Në botën që për ne duket e përtejme, sepse siç duket vështirë të mbërrijmë për të gjallë të rrojmë në një botë si ajo, mund të mrekullohesh me 1001 bukuritë e saj, ndërkaq në vendin e vogël, pragu i pushtetit, "peçurkat" dhe kanabisi janë diversiteti socio-kulturor, politik e shtetëror.
Në këtë vend as të habitesh më nuk mbërrin. Çdo gjë duket e mundshme, ndoshta pse edhe gjërat më të pamundshme, në kuptimin më negativ të tyre, po na bëhen reale.
Në dy taboret e ndara sot, që shfrytëzojnë kapitalin e njëjtë historik, kapitalin e njëjtë gjuhësor, kapitalin e njëjtë kulturor dhe frymën e kësaj kulture, kur bie fjala te pafytyrësitë, bëhen identik. Këto dy fronte, qofshin shumicë a pakicë që luftojnë, ndonjëherë edhe me mish e me thonj, kur flitet për identitetin politik, bëhen si dy pika uji.
Frontet politike sot, këndej e andej kufirit kanë takatin e njëjtë sa herë që u duhemi. Kanë sinqeritetin e njëjtë sa herë që na flasin për “të vërtetën”. Kanë takat vetëm për veten, por jo edhe për rregullin, edukimin dhe mirëqenien e njerëzve, të cilëve u bien në këmbë derisa të marrin votën. Storia merr fund me kaq. Tung për katër vjet!
Lajme të tjera
-
Gjirokastër/ 'Më jep paratë!" Kërcënoi me thikë dhe plagosi të moshuarën për ta grabitur, arrestohet 43-vjeçarja! Dyshohet se vuan nga probleme të shëndetit mendor
20 Nëntor, 15:33 -
Vrasja e specialit të RENEA Ibrahim Basha në Lazarat, Gjykata e Lartë rrëzon rekursin e Ruhan Hirajt! Anëtari i 'grupit të zjarrit' të vëllezërve Aliko i dënuar me 15 vite burg
9 Nëntor, 10:56
-
Gjirokastër/ Zjarr në tokat bujqësore të Lazaratit, dyshohet se zjarrvënësi është pronari i tokës
29 Gusht, 15:43 -
SKEDA/ Precedentët kur trafikantët e drogës kanë luftuar me Policinë! Nga Gate Mahmutaj dhe beteja në Lazarat, te plagosja e efektivëve
21 Gusht, 17:37 -
Gjirokastër, shfaqet sëmundja e antraksit, 3 të infektuar në Lazarat! Veterineri: Qytetarët të konsumojnë vetëm mishin me certifikatë shëndetësore veterinare
10 Gusht, 15:19
-
Aksident në Lazarat, makina përfundon në kanal! Në gjendje të rëndë drejtuesi
4 Gusht, 07:00 -
VIDEO/ Digjet banesa në Lazarat
22 Korrik, 22:34 -
Zjarr në një parcelë në Lazarat, shoqërohet në polici zjarrëvënësi
22 Korrik, 08:47 -
Gjirokastër/ Kultivonte cannabis sativa në oborrin e banesës, 1 në pranga
10 Korrik, 10:44 -
Zjarr në Lazarat, rrezikohen banesat! Flakët favorizohen nga era (VIDEO)
28 Qershor, 16:45 -
'Rikthehet' kanabisi në Lazarat, arrestohen babë e bir po kujdeseshin për bimët narkotike në oborrin e shtëpisë
16 Gusht 2023, 10:07 -
Merr flakë kabina elektrike në Lazarat, gjysma e fshatit pa energji elektrike
11 Dhjetor 2022, 09:42
