PE votoi për dhënien e statusin të vendit kandidat për Ukrainën, reagon Meta: Dënon qartë agresionin rus

Presidenti Ilir Meta ka përshëndetur votimin e Parlamentit Europian për dhënien e statusit të vendit kandidat për Ukrainën.

'Përshëndes Rezolutën e Parlamentit Europian që dënon qartë dhe pa ekuivok agresionin rus kundër Ukrainës! Miratimi me 637 vota i kësaj rezolute që prek të gjitha aspektet politike, ekonomike, diplomatike, humanitare, ligjore, si dhe pasojat tragjike që mund të shkaktojë përshkallëzimi i situatës, dëshmon solidaritetin dhe unitetin europian përballë rrezikut që i kanoset sot jo vetëm Ukrainës por edhe Europës dhe botës së lirë e demokratike.

Përshëndes vëmendjen e shtuar të Parlamentit Europian edhe ndaj rajonit tonë, çka duhet të na shtojë vigjilencën ndaj çdo tentative për destabilitet nga aktorë jomiqësorë. I bëj thirrje Kuvendit të Shqipërisë që përmes një rezolute të shprehë qartë dhe pa vonesë vullnetin e tij kundër pushtimit të Ukrainës, ngjashëm me vendet e tjera të NATO dhe BE!'- tha Meta.

LEXO EDHE:
Presidenti Macron përsërit idenë e dërgimit të trupave në Ukrainë: Nëse Rusia shkon më larg do detyrohemi

Lajmi kryesor:

Presidenti i Ukrainës, fjalim prekës në PE: Ushtria ruse po vret fëmijë! Mos na braktisni! Europarlamentarët votojnë thuajse unanimisht pro dhënies së statusit të vendit kandidat

M.Q./Shqiptarja.com

TAG:
• BE
• Ursula von der Leyen
• Volodymyr Zelensky
• parlamenti europian
• rusia sulmon ukrainen
• ukraine
• Rusi