Qenka thyer ai memoriali! Pritej! Sa për veten time nuk i kam lënë kusur synimit për t’i çjerrur perden e mashtrimit dhe maskën e shtirjes “kozmopolite” atyre që ma poshtërojnë mëmëdheun. Ndjek mediat online e komentet dhe shoh çoroditjen totale që sundon shoqërinë tonë. Një faqe e nderuar online, për turpin e gazetarisë, e jep lajmin si “betejë” në Tiranë mes gulenistëve dhe erdoganistëve. Është fiks ajo që u intereson atyre që nuk na duan. Pra: jo shqiptarët, se ata nuk janë të aftë të reagojnë me atë ndërgjegje të ulët kombëtare që përshkohen, por vetë turqit e kanë thyer.
Në mediat online, ku pa dashjen tënde, ndodhesh në një rresht me budallain apo të çmendurin, apo të shiturin, apo ekstremistin, pa mëdyshje që do ndotesh. Po ta kesh emrin Bajram, si unë, dhe je kundër këtij memorialit, atëhere ti je musliman gulenist, dmth kundërshtar i Erdoganit dhe memorialit; po qe se u thua që je laik, aq më keq. Në shoqërinë e sotme nuk u jepet dhe as u përket ndonjë vend nderi laikve, të cilët nuk besojnë se njeriu është krijesë e zotit. Përkundrazi, na thonë se zoti është krijesë e njeriut. Po qe se e ke emrin Kristo, Thimi, Vasil, atëhere ti bën politikën e grekut, je shitur te greku. Edhe nëse u thua troç se kërkon që ato shkollat turke të Gulenit të shporren një orë e më pare nga Shqipëria, se don të shkosh në Europë e jo në lindje, përsëri je i pa besueshëm.
Është një konglomerat individësh, me privilegjin që u jep paraqitja në rrjet me identitet të fshehtë, që bëjnë të pa mundurën me komente për ta paraqitur thyerjen e memorialit si me natyrë fetare. Një tjetër grup paraqitet si organizatë dhe i drejtohet opinionit me një notë proteste. Janë investimet turke në Shqipëri. Dikur shiheshin me tallje e përçmim, sot gjithkush mund t’i shohi shkoqur si rrezik kombëtar.
Kush është shqiptar dhe ka ngelur shqiptar, e ka për krenari të ketë frymëmarrje e pulsim të njëjtë me kombin, ta mbrojë e të vdesi me nder për të, nëse ja kërkon. Të tillë shqiptarë, mëndjehapur e të kulturuar, kur vendosën që gjuha shqipe të shkruhej me gërma latine, u shpallën tradhtarë nga shqiptarët e tjerë që e donin shqipen me gërma arabe. Turqia otomane, e merakosur për rendin, e zgjidhi këtë konflikt në popull, ...duke e ndaluar fare shkrimin shqip. Në fund të vitit 1909, e rishikoi vendimin dhe dekretoi “... që andej e tutje gjuha shqipe do të shkruhej vetëm me gërma arabe”. Muslimanët e Shkodrës organizuan menjëherë një manifestim në përkrahje të alfabetit arab, por e anulluan sepse katolikët shqiptarë të malsisë organizuan 60 mijë veta në mbrojtje të shkronjave latine. I solla këta shembuj për t’u kthjelluar kujtesën lexuesve se çfarë ka qenë e aftë feja dhe pushtuesi t’i bënte këtij vendi.
Memoriali është thyer nga atdhetarë e mëmëdhetarë shqiptarë. Janë shumë, janë shumica, nuk i fut dot të gjithë në burg, nuk u përkasin partive politike. Ata e panë mirë se si memoriali u përurua me bekimin e të dy partive kryesore që ndërrojnë njëra-tjetrën në pushtet. Janë ata shqiptarë, ku gjithkush duhet të ketë besim, sepse i përkasin asaj race që dinë t’i dalin vëndit për zot. Atë memorialin do kisha dashur ta thyeja unë, por mosha dhe energjitë më pengojnë. Gjithsesi, po qe se shoqëria jonë e kalbur civile do më kish thirrur, do bëhesha me kënaqësi pjesë e protestës. Një ndalim, arrestim apo dënim me motivin se ke dëmtuar këtë pllakën, do ta shihja thjesht si dekoratë.
Shqiptarë quhen të gjithë ata që flasin shqip, por në gjithë kohërat, të djeshme dhe të sotme, kanë lulëzuar ngulime shqipfolsish, që me pathos e kanë tradhtuar atë sa here kanë dashur, i kanë shërbyer me devotshmëri turkut, grekut, serbit dhe (hiq kohën e diktatutrës komuniste se shkoje në të sat..e) bëhet hapur, pa maskim. Shihni qendrimet në mediat online dhe do shihni se në ç’fazë ka mbërritur degradimi.
Shqiptarët tashmë janë të shpërndarë gjithandej. Ndonëse ky vend ka dhe u afron burime të shumta, potenciali njerëzor, toka pjellore, etj., po dëshmojmë se energjitë po i derdhim në emigracion ose në konflikte të brendëshme. Shqipëria, nisur edhe thjeshtë nga ky memoriali i turpshëm, tregon se sa e rrezikuar është dhe se sa lehtë diplomacitë turke, greke e serbe dinë ta fusin në qorrsokake dhe aventura, nga ku nuk kanë as fuqinë dhe as inteligjencën për të dalë.
A mund qeveria ta mbrojë një memorial me polici? Asnjëherë! Mund ta mbash ca kohë, por jo përgjithnjë. “Po qe se dëshiron të sundosh me mendim të hapur-ka shkruar Gëte-sundo me vepra e jo me urdhëra e ndalime”.
Komente
Lajme të tjera
-
Bajram Peçi: Na merr ujin dhe na prish të ardhmen
25 Korrik, 16:14
-
Bajram Peçi: Me devijimin e Lumit Shushicë shkelin ligjet dhe gjithë parimet moral
26 Maj, 21:17
-
Fjalimi i Ramës në Athinë i nxori kundërshtarët e tij lakuriq
15 Maj, 09:36
-
Nga biçikletat e para te makinat e komunizmit, Bajram Peçi rrëfen Shqipërinë e vjetër motorike!
26 Prill, 20:33
-
Çfarëdo që fillon me tërbim, përfundon me turp
22 Prill, 11:34
-
Të padenjët që mbajtëm në shpinë
17 Prill, 19:36
-
Popullin e Rusisë e ndjek parreshtur sundimi i “Zotave”
15 Mars, 22:38
-
Bajram Peçi: Kryelartësia greke me fqinjët është shenjë e shpirtit të vogël
27 Shtator 2023, 19:02
-
Disa përfundime lokale të oborrit tonë nga mbledhja e Këshillit të Sigurimit
22 Shtator 2023, 07:49
-
Nga e merrni frymëzimin për të na kërcënuar?
23 Gusht 2023, 16:31
-
Përballë arrogancës së një shteti që përdor verbalisht si armë Bashkimin Europian
21 Gusht 2023, 14:31
-
Tiranë, nuk je pa të meta, por jemi të shtrënguar të të duam
10 Maj 2023, 20:16
Sakt daja!
PërgjigjuRespekte.
PërgjigjuSaktë, bukur, drejt dhe, mbi të gjitha, shkruar me shpirt. Ata që s'e pëlqejnë shkrimin, argumentat dhe ndjenjën atdhetare që e përshkon janë pikërisht ajo pjesa e verbër ose antishqiptare.
PërgjigjuTi sje as fetar as laik as patriot,je thjesht nje cope m...
PërgjigjuZotnia deklarohet hapur dhe pozicionohet se ne cilen ane ben pjese. Ti (Lozan) kush ka+++ je!!!
Legen burr qenke. Duket se je ekstremist islamist
Bukur e the o Bajo...
Përgjigju