POP 5

Lajmet më të lexuara të 5 minutave të fundit

Kronikë

Pelegrinë grekë ceremoni në nder të ushtarëve të rënë në Bularat (VIDEO)

Në varrezat e ushtarëve grek është mbajtur ceremonia në nder të viktimave. Grekët kanë ardhur të organizuar me autobusë dhe nuk është raportuar për asnjë inciden. 

Rreth 80 pelegrinë nga Greqia pas ceremonisë përkujtimore në Këlcyrë një ditë më parë, sot kanë zhvilluar të njëjtën ceremoni edhe në varrezat e ushtarëve grekë në Bularat të Gjirokastrës. Ish gjenerali grek në pension Jorgos Geordiadis ka preferuar që këtë ceremoni ta mbajë larg politikës për të respektuar ushtarët grekë të rënë gjatë luftës italo-greke të vitit 1940-1941.

Në një prononcim për  mediat prezente Geordiadis tha se në varrezat e Bularatit gjenden 59 eshtra të ushtarëve të cilat kanë ekzistuar më parë, 100 eshtra të reja janë shtuar vitin e kaluar ndërkohë që 128 ishin prezentë por të pa identifikuara.

"Jemi sot në varrezat ushtarake të Bularatit ku gjenden 59 eshtra të ushtarëve të vjetra plus 100 të reja që janë shtuar vjet plus 128 që ishin prezent por të pa identifikuara, zhvilluam të njëjtën ceremoni fetare që zhvilluam edhe dje, kështu respektohen të rënët në Greqi. Ekzekutuam himnin e Greqisë folëm pak për historinë që ka ndodhur në 1940 pasi ishte edhe një zotëri nga fshati që na tha edhe disa të dhëna të tjera, më shumë nga sa dinim ne. Është kënaqësi e madhe imja që gjendem këtu dhe u rigjetëm prapë në të njëjtin vend, kishim edhe 2 familjarë me vetë që qanin sepse babai i tyre është vrarë në 1941, për tjetrin babai i tij ka luftuar në vitet 1931-1937. Lufta që është bërë mbi Ballaban ka qenë një përballje midis 3000 ushtarëve grekë dhe ndoshta mbi 5000-6000 ushtarëve italianë. Ikim sot nga vendi juaj të kënaqur sepse i kryem ceremonitë përkujtimore që donim ne dhe shpresojmë të ritakohemi." ka thënë Jorgos Geordiadis gjeneral ne pension.

Ceremonia në varrezat e ushtarëve grekë në Bularat ka qenë një meshë e thjeshtë e shoqëruar edhe më himnin grek për të nderuar kështu të ushtarët grekë të rënë gjatë Luftës së Dytë Botërore. Ky është viti i pestë radhazi ku familjarë të ushtarëve të rënë në këtë luftës, si dhe ish ushtarakë në pension vijnë në Shqipëri për të zhvilluar këto ceremoni përkujtimore.

Po ashtu ditën e djeshme pelegrinët nga Greqia vizituan Manastirin e Këlcyrës, për të zhvilluar homazhe tek varrezat ku prehen eshtrat e 500 ushtarëve grekë të rënë gjatë luftës Italo-Greke të 1940. Nderimet janë organizuar nga ish-gjenerali grek Jorgos Geordiadis, i cili kthehet në Shqipëri për të pestën herë radhasi por kësaj herë me gati 80 pelegrinë pas tij.

Homazhet në Bularat

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

25 Dhjetor, 08:15