Nga Dukati i Vlorës ministri i Mbrojtjes Niko Peleshi ka folur për situatën e zjarreve. Ministri tha se aktualisht po punojnë 3 helikopterë për neutralizimin e flakëve në zonat problematike në Vlorë, ndërsa pritet të vijë një ekip i specializuar nga Holanda.
Ndonëse Shqipëria ka kërkuar ndihmë nga shumë shtete tha Peleshi, ndërsa Holanda është treguar bujare ku pritet të vijë një ekip për të parë situatën nga afër dhe më pas për të vendosur sa ndihmë duhet nga ky shtet. Gjendja sipas tij është më e rënduar në Vlorë, me Karaburunin si vatër më të rrezikshme. Kurse në Gjirokastër, ku humbi jetën 1 person, situata paraqitet më e stabilizuar. I bindur se zjarret janë të qëllimshme, Peleshi tha se deri më tani janë 6 të arrestuar për zjarrvënie.
“Situata në Gjirokastër është shumë e qetë. Dje jemi përballur me situatë të vështirë sepse jemi përballur me disa vatra zjarri të rrezikshme. I kemi të forta dyshimet për zjarrvënie të qëllimshme. Pra disa vatra kanë shpërthyer në të njëjtën kohë. Shtuar edhe kushtet atmosferike. Rreth tre katër fshatrave ka pasur flakë e zjarre të shumta. Jemi përpjekur të mos kemi banesa të djegura, sidomos në fshatin Asim Zenel, flakët kanë rrethuar fshatin, por në fund ia kemi dalë. Tani që flasim vatrat janë fikur ka vetëm vatra të vogla pa rrezik. Në Pashaliman e konsideruam të fikur zjarrin në orën 20:00. Por më vonë vatra u riaktivizua sërish. Ka kaluar më e keqja, por po punojmë akoma. Bëhet fjalë për një bazë ushtarake, e kjo e rrit rëndësinë që ka. Vatrat më të rrezikshme janë në Karaburun. Është djegur një faqe e malit, rreziku është prekja e Parkut të Llogarasë.
Kemi tre helikopterë në punë, po punohet në disa drejtime për të mos lejuar avancimin e vatrave të zjarrit. Që në krye të herës i kemi kërkuar kërkesë për mbështetje shteteve fqinje dhe shteteve të tjera, si Italinë, Greqinë, Turqinë, Çekinë, Ukrainën. Holanda është përgjigjur në mënyrë bujare dhe sot presim të sjellë një ekip të sajin te ne për të na mbështetur nga zjarret. Do të jemi shumë të varfër në raport me Turqinë, që nuk kanë t’i bëjnë këtyre situatave, nuk parandalohen 100%. Jam i bindur që kemi të bëjmë me zjarrvënie të qëllimshme, ato eliminohen si përgjigje e gjithë shoqërisë, që duhet ta quajnë qytetari e jo spiunllëk për zjarrvënësit. Kemi emra, kemi arrestime, për disa ka prova edhe vatrat sa më herët të lajmërohen aq më mirë është. S’dua të heq përgjegjësitë që kemi ne, për të qenë më të shkathta”, tha Peleshi.
Gjithashtu, ministri i Mbrojtjes, iu përgjigj opozitës dhe sulmet e tyre. Ai tha se ekipet e zjarrfikësve dhe Forcave të Armatosura nuk punojnë me mjete rrethanore, por me ato të duhurat për të vendosur në kontroll flakët.
“Ka limite çdo shtet, sado i fuqishëm të jetë një shtet, nuk ka kapacitete për të përballuar këto situata. Nuk punohet me mjete rrethanore. Nuk është ndihmë të përdorim nota peçorative për ushtarin. E kam fjalën për opozitën. Vlen më tepër të merremi faktin se si ka mundësi që në një moment të ndizen 10 vatra zjarri brenda një makine. Edhe për zjarrin e Karaburunit kemi emra, kam marr garanci dhe nga ministri i Brendshëm që do të ketë ndalime. Janë ndërruar tre veta, ka të dhëna të mjaftueshme për të vërtetuar që zjarret janë të qëllimshme”, Peleshi.
Për herë të parë pas përplasjeve me kryeministrin Edi Rama, kryebashkiaku i Vlorës, Dritan Leli, është shfaqur krah një anëtari të qeverisë. Lesi ka qenë krah Ministrit të Mbrojtjes, Niko Peleshi në Dukat për të koordinuar punën për shuarjen e flakëve që kanë përfshirë zonën prej disa ditësh. Por pavarësisht përplasjeve duket se situata e zjarrit i ka bashkuar dhe Leli tha se po punojnë së bashku me Peleshin.
“Emergjencat civile kanë qenë në krye. Si e dëgjuat nga ministri zjarrëvëniet e qëllimshme kanë kryer situata të rënda. Zjarri në Poro ka qenë i qëllimshëm. Me koordinimin e punës dhe me kërkesën e ministrit Peleshi, ne jemi zhvendosur në zonën e Poros, për të bërë fikjen e zjarrit. Janë organizuar forcat që janë në Bashki Forcat zjarrfikëse kanë qenë në zonën e Pashalimanit si tha Ministri. Në këtë situatë ajo që shkakton të gjithën dhe na bën të përballemi është zjarrvëna e qëllimshme. Aty ky fillon e keqja , organet e ligjit po punojnë për këtë, por na takon të gjithëve të rrisim alarmin për këto zjarrvënie të qëllimshme”.
Komente
Lajme të tjera
-
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Në Himarë babagjyshi vjen nga deti, parada dhe koncerti festiv (VIDEO)
25 Dhjetor, 13:12 -
Çelet tenderi 95 mln lekë për projektin e rehabilitimit të hekurudhës Rrogozhinë-Vlorë dhe lidhjen me aeroportin
25 Dhjetor, 12:39
-
Krishtlindja/ Urime për paqe dhe dashuri nga Gjirokastra
25 Dhjetor, 12:00 -
Kreu i Burgjeve dhe kryebashkiaku i Vlorës firmosin marrëveshje: Ndihmë të dënuarve që të riintegrohen në shoqëri dhe për një fillim të ri
24 Dhjetor, 20:29 -
Emigrantët kthehen për festa! Çdo ditë mbi 1 mijë pasagjerë mbërrijnë në portin e Vlorës
24 Dhjetor, 16:12
-
Vlorë/ Plagosi me thikë 19 vjeçarin, arrestohet 44 vjeçari! I riu te Trauma
23 Dhjetor, 17:58 -
Bllokohet aksi nacional Gjirokastër-Përmet, shkak rënia e inerteve nga lartësitë
23 Dhjetor, 17:38 -
Vlorë/ Sekuestrohen rreth 32 mijë euro cash në port, procedohen 2 shoferët! Ishin fshehur në sediljen e autobusit të agjencisë së udhëtimit
23 Dhjetor, 16:09 -
Konferenca/ Peleshi: Bardhi e interpreton ndryshe, Parlamenti s’kontrollon vetveten! Duket veprim politik, periudha e zgjedhjeve s’e lejon ngritjen e Komisionit
23 Dhjetor, 13:58 -
'Mali' i borxheve fut në kolaps ujësjellësin e Tepelenës, drejtori: Prej vitesh nuk paguajnë familjet e varfra! Debitore dhe Bashkia e Tepelenës
23 Dhjetor, 10:34
-
Selenicë, Guri Selimi rrezikon jetën, prej vitesh i braktisur! 77-vjeçari pa strehë, pa ushqim e veshje endet rrugëve
23 Dhjetor, 10:08
Bravo Niko Peleshi! Dhe nje turp i madh per Ministrine e Brendshme me gjithe emergjencat civile, me ato idiotat Blend Cuci apo Haki Caca
PërgjigjuDuhet nje ligji i posaçem per zjarr venien e qellimeshme,duhen trajtuar si terrorriste te nje rreziku te larte ata individe.E ne fund,eshte interesant te kuptohet me mire,fjala "pecorativ"!!!,edhe po ta kete shprehur Peleshi,ju gazetaret duhet ti permbaheni shqipes,nuk jeni te detyruar ti qendroni besnike fjaleve pacavure qe shprehin politikanet.
PërgjigjuPo leri te arrestuarit,zoteri. Ju nuk ishit ne gatishmeri. Tani ju kem zgjedh me ma qeverise ne te marre e te urte bashke.
Përgjigju