Peligrinazhi në Laç, Rama tregon si ngeci në trafik: Pres në radhë sepse shoferët e mi e dinë që gjobiten nëse nuk respektojnë semaforin

 

Kryeministri Edi Rama nga Lezha tha se Laçi ka një potencial të jashtëzakonshëm turistik për sa i përket peligrinazhit fetar, por kjo edhe për faktin e rindërtimit që po bëhet në qytet pas dëmtimeve të kryera nga tërmeti.

Madje Rama tregoi se sot priti në radhë, pasi shumë qytetarë po shkonin drejt Kishës së Laçit këtë të martë, duke shtuar se shoferët e tij gjobiten nëse kalojnë në semafor me të kuqe.

‘Po të shkosh në Laç është e paimagjinueshme ajo që po ndodh në Laç. Në sytë e tyre nuk kishte shpresë, pas tërmetit. Edhe ai që donte të besonte, pa më paragjykuar fare përball asaj katastrofe thoshte mund te ketë me gjithë mend ky por kjo është e pamundur. Akoma puna është në mes. Sot ne ishim ne Laç dhe duke qenë se ishin një nga ato të martat e ciklit të të martave të shenjta u detyruam të qëndrojmë në rradhë, duke qenë se unë gjithmonë respektoj radhët në rrugë, pasi shoferët e mi e dinë shumë mirë se marrin gjobë nëse nuk respektojnë semaforin. Laçi ka një potenacial të jashtëzakonshëm turistik për shkak të peligrinazhit fetar. Nesër Laçi do të jetë një pikë qëndrimi të ketë realisht interes që njerëzit të vënë në dispozicion shtëpitë njësoj siç i vënë shtëpitë njerëzit në bregdet kur është sezoni veror gjatë gjithë periudhës kur janë të martat e shenjta.’- tha Rama.

Lajmi kryesor:

Rama: Mos t’ju shkojë mendja për vaksina, nëse PD kthehet në pushtet! Luli si Gjino, 'dhëndër' të marrim 'nusen' për Metën, Berishën dhe Monikën! (1 minutë heshtje për Bashkim Finon)

M.Q./r.k./Shqiptarja.com

TAG:
• edi rama
• pjerin ndreu
• Lezhe
• Fushate elektorale
• zgjedhjet parlamentare 2021