Teuta dhe Tirana barazuan 2-2 për javën e dytë në Superligën shqiptare të futbollit. Në “Niko Dovana” u deshën 100 minuta për të mbyllur ndeshjen, teksa përballja u ndal për pesë minuta në pjesën e parë pasi në stadiumin e Durrësit ikën dritat.
Ndeshja nisi me vrull dhe ritëm nga bardheblutë, që kaluan në avantazh me Hasanin në minutën e katërt. Sulmuesi i Tiranës përfitoi nga një gabim i prapavijës vendase për të kaluar Demën dhe përshëndetur rrjetën.
Pas golit të pësuar Teuta u “zgjua” dhe mori frenat e lojës. Ishte Fili që në minutën e 10-të barazoi nga penalltia, kjo edhe pas ndërhyrjes së VAR. Në minutën e 20-të ishte Gjinollari që përmbysi ndeshjen për Teutën, pas një aksioni nga e djathta me Peposhin.
Pjesa e parë ishte më e mirë për Teutën, që përmbysi nënkampionët e vendit. Fraksioni i dytë ishte më i mirë për miqtë, që barazuan me Najdovskin në minutën e 59-të. Një këndore dhe krosimi “kirurgjikal” i Hasanit sollën barazimin që në fund u përkthye me pikë.
Vijimi i ndeshjes pa Tiranën që të kontrollonte lojën, duke pasur disa raste me Abazaj, Hasanin dhe Kainën. Nga ana tjetër, Fili, Peposhi, i riu Arifi (16 vjecc) treguan dëshirë dhe grintë në fushë.
Teuta e Diego Longos debuton kështu me një pikë në Superligë, teksa italiani i ka besuar të rinjve në fushë. Kujtojmë se durrsakët nuk luajtën javën e parë të Superligës me Partizanin, për shkak të angazhimit të “Demave” në Evropë.
Nga ana tjetër Tirana pëson katër gola në dy ndeshje dhe pas javës së dytë ka katër pikë në renditje, me Shehin që duhet të korrigjojë prapavijën.
Teuta dhe Tirana po luajnë në “Niko Dovana” të Durrësit për javën e dytë të Superligës në futboll. Në minutën e 34 të ndeshjes prozhektorët u fikën në stadium për më shumë se pesë minuta, duke bërë që ndeshja të ndërpritej.
Pas 5 minutash ndriçimi u rikthye në stadium. Në të 34 minutë Teuta po fitonte 2-1 kundër Tiranës, teksa bardheblutë kaluan në avantazh me Hasanin në të katërtën minutë, ndërsa Fili dhe Gjinollari shënuan të Teuta.
Ndeshja po luhet pas ndërprerjes dhe rikthimit të energjisë elektrike. Kujtojmë se në stadiumet shqiptare kjo nuk është hera e parë që ndodh një problem i tillë me energjinë.
Lajme të tjera
-
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Tirana rrezikon mbijetesën, pesë titullarë me 'valixhe në duar'
23 Dhjetor, 09:29 -
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Superliga/ Dinamo me hap kampioni, fiton 2-1 kundër Egnatias dhe mbyll 2024 në krye! Tirana 'buzë greminës', Laçi e përmbys 3-1
21 Dhjetor, 18:29 -
Media italiane: Tirana surpriza e madhe turistike përtej Adriatikut
21 Dhjetor, 08:41 -
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Komisioni i Disiplinës sanksionon merkaton e Tiranës dhe Dinamos për 3 sesione, shkak mos përmbushja e detyrimeve ndaj lojtarëve
19 Dhjetor, 18:26 -
Prag Partizani-Vllaznia, trajneri i shkodranëve: Ndeshja më e madhe deri më tani! Gjoka: Është momenti i Skënderbeut
19 Dhjetor, 15:51 -
Iliri, 'Daja' i Superligës! Dinamo në krye pas 15 vitesh
16 Dhjetor, 19:05 -
Mbyllet gjysma e sezonit/ Skënderbeu lë 2 pikë me Bylisin, Gjoka: Keqardhje e madhe! Pas 175 javësh çdo ndeshje me 3 gola
16 Dhjetor, 12:26
