Pendarovski në Serbi: Minishengeni duhet ta përfshijë edhe Kosovën pa i'a paragjykuar statusin

Pendarovski në Serbi: Minishengeni duhet ta përfshijë edhe Kosovën pa i'a paragjykuar statusin

Presidenti i Maqedonisë së Veriut, Stevo Pendarovksi, po qëndron për një vizitë zyrtare në Beograd, ku ka takuar homologun e tij, Aleksander Vucic, me të cilin kanë diskutuar një sërë çështjesh bilaterale por gjithashtu edhe rreth zhvillimeve në rajon.

Në këtë takim është diskutuar edhe për iniciativën e “minishengenit” për të cilën Pendarovski i ka thënë Vuçiqit se duhet ta përfshijë edhe Kosovën pa ia paragjykuar statusin, raporton Gazeta Express.

“Do të ishte mirë sikur i gjithë Ballkani Perëndimor të ishte në shengenin e vogël”, ka thënë Pendarovski, shkruan RTS.rs, transmeton Gazeta Express.

Presidenti maqedonas thotë se një nismë e tillë duhet të përfshijë edhe Republikën e Kosovës.

“Nisma nuk i përfshin gjashtë shtetet, kur them këtë nuk dua të ndërhyj në raportet Beograd-Prishtinë, por mendoj që duhet gjetur një zgjidhje që Bosnja e Hercegovina dhe të tjerët t’i bashkohen kësaj iniciative. Vetëm në këtë mënyrë do të përfitojmë, pa e paragjykuar statusin e Kosovës”, ka shtuar tutje Pendarovski.

Ndër të tjera ka thënë se çfarë vendosin Prishtina dhe Beogradi është punë e tyre.

Sipas Pendarovskit, nëse një shtet nuk dëshiron të hyjë në “minishengen” atëherë është në rregull, duke shtuar se nuk duhet të përfshihen në një iniciativë të tillë nga ndonjë detyrim i jashtëm.

Në fund, Pendarovski ka thënë se ideja për krijimin e një minishengeni nuk është për të zëvendësuar Bashkimin Evropian. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Arrestimi i Evis Berberit, qeveria emëron Gentian Gjylin në krye të ARRSH

Arrestimi i Evis Berberit, qeveria emëron Gentian Gjylin në krye të ARRSH