POP 5

Lajmet më të lexuara të 5 minutave të fundit

Sociale

Peng i burokracive, familja në Funar të Elbasanit nuk merr dëmshpërblimin për shtëpinë e shembur: Jetojmë me frikë

Një familje me 3 anëtarë në fshatin Funar të Elbasanit, 2 vite pas tërmetit jeton ende në një banesë të mjeruar që rrezikon t’i zërë brenda. Autoritetet e kanë shpallur të pabanueshme, por dëmshpërblimi nuk i është miratuar për burokraci në zyrat e shtetit.

Tërmeti i 26 nëntorit 2019 i shtoi vuajtjet për familjen Haskurti, që jeton mes varfërisë dhe sëmundjeve në Funar të Elbasanit. Shtëpia e tyre e vjetër pësoi dëme të shumta, një zgavër e hapur mes dhomës, qëndron aty si kambanë alarmi.

Dhurata Haskurti tregon vështirësitë, teksa po kalon me bashkëshortin dhe djalin, dimrin e dytë, në këtë shtëpi që rrezikon t'i zërë brenda.

"Vetëm të kem dhe unë një shtëpi sado pak. këtë që kanë shkruar e zeza në të bardhë unë nuk kërkoj asgjë më shumë. Tani jetoj me 100 mijë lek KEMP të burrit dhe çuni që punon në ndërtim. Është i sëmurë ka kaluar në depresion se shiu i gjithë hyn brenda, asnjë të ardhur nuk kemi tjetër", shprehet Dhurata Haskurti.

Banesa e familjes Haskurti është vlerësuar e pabanueshme dhe me vendim të këshillit bashkiak duhet të dëmshpërblehet me 1.5 milionë lekë. Por këto para ende nuk janë lëvruar, ndërsa Dhurata Haskurti na tregon burokracitë e institucioneve që nga bashkia e Elbasanit e deri tek Agjencia Kombëtare e Mbrojtjes Civile.  

"Para dy vitesh ka rënë tërmeti dhe është dëmtuar dhe unë shkova tek administrata njësia vendore Funar iu drejtova këtyre, pastaj shkolla tek Emergjencat Civile në Elbasan erdhën e panë e verifikuan e kanë nxjerr të pabanueshme si shtëpi deri më tani që po flasim nuk kam asnjë ndihmë veç letra. "Ik se do t'i biem"-më thonë, por nuk kam marrë asgjë as bonusin e qirasë nuk kam marrë asgjë më të vogël, kam shkuar tek kryetari i bashkisë dhe asgjë.  Kam vendimin që më ka dhënë administrata se është bërë verifikimi i shtëpisë dhe e kanë vlerësuar 30 milionë lek (të vjetra) për të marrë 15 milionë lek, por jo asnjë lek nuk kam marrë më dhanë vendimin e kam në dorë e kam shkuar tek emergjencat në Tiranë i kam çuar tek ADISA, i kam shkruar Kryeministrisë dhe më thonë për 10 ditë do të kthehjë një përgjigje, por ende asgjë. Ca të tjerë i marrin lekët dhe unë akoma skam marrë asgjë. Unë sa do pres?!", tha ajo.

I kontaktuar nga Report Tv, Drejtori i Emergjencave në Bashkinë e Elbasanit Ndriçim Sinani pranon dosja për dëmshpërblimin e familjes Haskurti është zvarritur nga Agjencia Kombëtare e Emergjenca Civile.

Sipas dokumenteve rezulton se më 3 shtator 2020 Këshilli Bashkiak i Elbasanit vendos miratimin e vlerës financiare të dëmeve të shkaktuara nga tërmeti në banesën e shtetasit Behxhet Haskurti banor në fshatin Bixëlle të njësivë administrative Funar si dhe dëmshpërblimin financiar e cila është 50 për qind e vlerës së dëmit. Ekspertët kanë vlerësuar se dëmi në këtë banesë është 3 milionë lek dhe do të dëmshpërblehet me 50 për qind, pra në shumën e 1.5 milionë lekëve.

Më 14 tetor 2020 me anë të një shkrese Bashkia e Elbasanit ka kërkuar nga Agjencia Kombëtare e Emergjenca Civile ndihmë financiare për familjen Haskurti.

Më 9 qershor 2021 Agjencia e drejtuar nga Haki Cako kërkon nga Bashkia dokumentacionin origjinal.

Më 24 gusht 2021 Bashkia e Elbasanit ridërgon dokumentacionin tekniko-ligjor në Agjencinë Kombëtare të Mbrojtjes Civile.

Nga gushti e deri në dhjetor dosja fle në sirtarë, ndërsa familja Haskurti duhet të kalojë një tjetër dimër me frikën se shtëpia mund t'i zërë brenda.

Shkresat e bashkise Elbasan që banesa është e pabanueshme

 

Shkresat e bashkise Elbasan që banesa është e pabanueshme

Shkresat e bashkise Elbasan që banesa është e pabanueshme

Shkresat e bashkise Elbasan që banesa është e pabanueshme

Shkresat e bashkise Elbasan që banesa është e pabanueshme

 

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Besnik Hasanaj: 02/12/2021 18:14

    Foli sot KM për Shqipërinë që duam dy fjalë shkruani dhe do gjeni zgjidhje ????????

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33