Receta

Pengjir me kos nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 26 Janar 2023, 14:31 | Përditesimi: 26 Janar 2023, 14:32

PENGJIR ME KOS

Përbërësit:

4 vezë
1 gotë sheqer
1 gotë kos
1 gotë vaj
500 gr miell
1 bustinë vanilje
1 lç kripë
1 lç sodë

Sherbeti:

LEXO EDHE:
Bakllava me kadaif dhe arra nga zonja Albana

1 kg sheqer
500 ml ujë

Përgatitja:

Rrahim vezët me sheqerin derisa të zbardhen. Pasi sheqeri është tretur mirë shtojmë kosin dhe vajin. E përziejmë mirë me tel kuzhine dhe më pas shtojmë miellin tek i cili kemi hedhur pak kripë dhe sodë. Brumin e përgatitur e shtrojmë në një tavë, e nivelojmë dhe e vendosim në furrë të nxehtë në temperaturën 180 gradë.

Ndërkohë që pengjiri piqet përgatisim sherbetin. Në një tenxhere shtojmë ujin dhe sheqerin. Sipas dëshirës mund të vendosim dhe pak lëkurë limoni. Pengjirin do ta lemë të ftohet dhe më pas e sherbetosim me shurupin e ngrohtë.

MC/Shqiptarja.com

TAG: