POP 5

Lajmet më të lexuara të 5 minutave të fundit

Kronikë

Pas pasurisë, Hajrat në SPAK si grup i strukturuar kriminal për rrëmbimin dhe vrasjen e Jan Prengës (VIDEO)

SPAk nis hetimet duke konsideruar grup të strukturuar kriminal urdhëruesit e më pas ekzeutuesit e rrëmbimit të 49 vjecarit Jan Prenga. Prej 3 javësh s'ka asnjë shenjë nga trupi i tij, ndërsa në sitë do të kalojë edhe pasuria e Hajrave, Docajve dhe personave të shpallur në kërkim për këtë ngjarje kriminale e cila nisi si konflikt droge në Angli e përfundoi në Shijak.

TIRANE- Urdhëruesit dhe ekzekutuesit e 49 vjeçarit Jan Prenga tashmë konsiderohen grup i strukturuar kriminal dhe nga e shtuna kanë kaluar pranë (SPAK) Prokurorisë së Poscme Kundër Krimit dhe Korrupsionit.

Ky hetim nisi prej 17 Janarit nga Prokuroria e Tiranës e cila ka urdhëruar 6 arreste dhe 5 persona të tjerë i ka shpallur në kërkim.

Mes të kërkuarve rezulton dhe Altin Hajri si personi që mori porosinë për rrëmbimin e Jan Prengës nga një telefonatë prej Ekuadorit nga i dyshuari Dritan Rexhepi.

Altin Hajri është edhe administratori i kompleksit Golden Resort tashmë të sekuestruar nga Operacioni Forca e Ligjit njohur si OFL.

Ky resort është nën hetimin e SPAK tashmë për krijimin e ligjshëm të parave për ndërtimin e tij ndërsa sipas OFL-së dyshohet se prejardhja është aktiviteti kriminal i narkotrafikut për të cilin Altin Hajri ka qenë i dënuar në itali.

Prej rrëmbimit më 17 Janar ora 11 e paradites Jan Prenga nuk ka asnjë kontakt me familjarët ndërsa policia e ka shpallur të vdekur, referuar kamerave të sigurisë sekeustruar në resort ku ai është në pamje kur hyn pasi rrëmbehet në Kamzë.

Në qeli deri më tani për këtë krim janë Leonard Hajri, Bajram Hajri, Elton Hajri, Festim Bexhdili, Olsi Turja si dhe Ardian Docaj nga Shkodra i cili u vetëdorëzua pasi iu sekuestrua pasuria në Shkodër.

Konfliktet midis këtij grupi kriminal dhe Astrit Prengës vëllait të Jani Prengës lindën për 260 kg kokainë e cila nuk u dorëzua në destinacion në Angli dhe Astriti rezulton se ka biseduar disa herë me Dritan Rexhepin për dorëzimin e mallit dhe rrëmbimin e të vëllait.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arifi: 09/02/2020 16:43

    Hajrat jane grup kriminal ,, kurse bajrat jo,,, robt ku ti kesh o rilindje...

    Përgjigju
    • Per arifin: 09/02/2020 20:24

      O arif futja nje tas groshe vllai

  • Cufi: 09/02/2020 16:20

    Sekuestrojini dhe bicikletat,,kjo do i shkatarroje plotesisht bandat...edi rama tqtt....

    Përgjigju
  • Sondazhi i ditës: 20 Janar, 09:13

    Betohet Trump, a do të ndryshojë politika e SHBA-ve ndaj Shqipërisë?

Lajme të tjera



×

Lajmi i fundit

Çfarë sjell Trump për Kosovë-Shqipëri? Xhafaj: Kurti luajti jashtë rregullave! Çollaku: S’mendoj se PD i fiton zgjedhjet prej tij! Sazani më mirë i Trump, sesa i shokëve të Beqajt

Çfarë sjell Trump për Kosovë-Shqipëri? Xhafaj: Kurti luajti jashtë rregullave! Çollaku: S’mendoj se PD i fiton zgjedhjet prej tij! Sazani më mirë i Trump, sesa i shokëve të Beqajt

20 Janar, 23:02