POP 5

Lajmet më të lexuara të 5 minutave të fundit

Kronikë

Pengoi ekstradimin, në pranga
oficeri, arrestohet edhe i kërkuari

Një oficer i policisë gjyqësore Lezhë si dhe një shtetas i shpallur në kërkim nga policia italiane u arrestuan sot nga Policia e Shtetit. Policia: Kolmarku ka shmangur arrestimin e Gjergj Tushajt, i cili kërkohej nga policia italiane, falsifikoi dokumentet. (Në foto, Gjergj Tushaj gjatë arrestimit)
TIRANE - Policia e Shtetit në kuadër të një aksioni në bashkëpunim me Task Forcë në qytetin e Lezhës dhe Tiranë, mundësoi sot arrestimin e një oficeri të policisë gjyqësore Lezhë dhe të një shtetasi të shpallur në kërkim nga policia italiane për veprat penale rrëmbim personi, shfrytëzim prostitucioni dhe marrëdhënie seksuale me dhunë.

Aleksandër Kolmarku, 53 vjeç, me detyrë oficer i policisë gjyqësore pranë Prokurorisë së rrethit Gjyqësor Lezhë akuzohet për shpërdorim detyre. Sipas policisë Kolmarku ka shmangur arrestimin e Gjergj Tushajt, 48 vjeç, banues në Tiranë. Ky i fundit u arrestua në Tiranë në një operacion të njësive operacionale, në mesditë pranë zonës së ish-Bllokut.

Policia e Shtetit, nëpërmjet një deklarate për shtyp, njofton se Gjergj Tushaj akuzohej nga autoritetet italiane për veprat penale rrëmbim personi, shfrytëzim prostitucioni dhe marrëdhënie seksuale me dhunë.”, ndërsa ndaj dy shtetasve është marrë masa arrest me burg për veprat penale.

DEKLARATA E PLOTE E POLICISE

Arrestimi i këtyre shtetasve u bë i mundur në sajë të një hetimi intensiv disa mujor të kryer nga Sektori Kundër Korrupsionit në Policinë e Shtetit në bashkëpunim me njësinë Task Forcë, në kuadër të zbatimit të një letërporosie të autoriteteve policore italiane për shtetasin Gjergj Nikola Tushaj, (alias Gjokë Ndue Tushaj), i akuzuar nga autoritetet italiane për veprat penale rrëmbim personi, shfrytëzim prostitucioni dhe marrëdhënie seksuale me dhunë.”

Nga tërësia e veprimeve hetimore të kryera, ka rezultuar se shtetasi Aleksandër Kolmarku, përmes shpërdorimit të detyrës dhe falsifikimit të dokumenteve, ka ndihmuar shtetasin Gjergj Tushaj (alias Gjokë Tushaj) që t’i shmanget përballjes me autoritetet italiane të drejtësisë.
Bazuar në materialet e grumbulluara nga strukturat e Policisë së Shtetit dhe të Prokurorisë në kuadër të këtij hetimi, nga Gjykata e Shkallës së parë në Tiranë ndaj këtyre shtetasve është caktuar masa e sigurisë “arrest me burg”.

Operacioni për arrestimin e tyre është zhvilluar nga strukturat e Policisë së Shtetit rreth orës 12.30’, të ditës së sotme njëkohësisht në qytetet e Tiranës dhe të Lezhës.

Materialet procedurale në ngarkim të tyre do t’i kalojnë për ndjekje të mëtejshme Prokurorisë së rrethit gjyqësor Tiranë nën akuzën e kryerjes së veprave penale “shpërdorim detyre” dhe “falsifikim dokumentesh” e kryer në bashkëpunim, parashikuar nga nenet 248, 186 dhe 25 të Kodit Penal.

(Gre.M/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46