TIRANE- Inxhinierët, ekonomistët, kirurgët, janë disa nga nga profesionet më të paguara në vendin tonë. Paga e çdo profesioni përkthehet dhe sa do të jetë masa e pensionit kur çdo person do të mbushë moshën. Nga të dhënat e ISSH-s, për pensionin që do të marrë çdo individ, inxhinierët do të jenë ata të cilët përfitojnë më shumë. Specialistët e Institutit të Sigurimeve Shoqërore thonë se për një inxhiner me pagën 82 mijë lekë, pensioni që ai do të marrë do të jetë rreth 36 mijë lekë.

Duke u bazuar tek pagat mesatare që japin sot bizneset private, por edhe instititucionet shtetërore, për pagat mbi 50 mijë lekë, pensioni është më i lartë se 24 mijë lekë të reja. Llogaritja bëhet në bazë të skemës së re të pensioneve. Formula për llogaritjen e pensionit është P= PS+SH, ku PS është pensioni social prej 6750 lekë dhe SH është shtesa për çdo vit kontributi prej 1%.