POP 5

Lajmet më të lexuara të 5 minutave të fundit

Politikë

Pensioni, Topi 187 mijë lekë
Berisha 168 mijë lekë

Nëse një deputet merr sot një pagë bruto prej 1.5 milionë të vjetra, kur të mbushin moshën e daljes në pension, ata do të mund të marrin një pension suplementar shtetëror, plus pensionin e thjeshtë të pleqërisë (pra ai në bazë të profesionit) që sipas ligjit është 75% e pagës referuese të funksionit.
Nëse flasim me gjuhën e shifrave, pensioni i pleqërisë që do të marrin këto persona, është shumë larg një pensioni maksimal që merr aktualisht një person që ka punuar 35 vjet në arsim, mjekësi apo në minierë. Kështu nëse një deputet merr sot një pagë bruto prej 1.5 milionë të vjetra, kur të mbushin moshën e daljes në pension, ata do të mund të marrin një pension suplementar shtetëror, plus pensionin e thjeshtë të pleqërisë (pra ai në bazë të profesionit) që sipas ligjit është 75% e pagës referuese të funksionit. Pranë nëse aktualisht nj deputet e ka rrogën 1.5 milionë lekë të vjetra, pensioni i pleqërisë do t jetë një pension luksi në masën 114.150 lekë të reja. Në nenin 17 të ligjit që përcakton masën e përfitimit për pensionet suplementare thuhet se "Këshilli i Ministrave është i detyruar të rritë pensionin shtetëror suplementar, në të njëjtën masë që rritet edhe paga referuese e detyrës a funksionit që ka pasur personi". Që nëse përkthehet në shifra i bie që të kenë një pension pleqërie po aq sa rrogat që firmosin sot. Por ka edhe më, ligji përcakton që nëse këta persona ndërrojnë jetë, pensioni mund t;i kalojë të vesë ose ndonjë prej fëmijëve të tij. Sigurisht që në këtë rast bashkëshorti pasjetues, nëse merrte vetë pension duhet të zgjedhë se cilin pension të mbajë dhe nuk e përfiton të plotë masën e pensionit që merrte bashkëshorti që ka mbajtur një post të lartë drejtues. Kështu sipas këtij ligji, masa e pensionit për bashkëshortin pasjetues është 50% e pensionit që kishte ose i takonte të përfitonte mbajtësi i familjes; masa e pensionit për jetimin është 25% e pensionit që kishte ose i takonte të përfitonte mbajtësi i familjes; masa e pensionit suplementar familjar nuk mund të jetë më e lartë se pensioni që kishte ose i takonte të përfitonte mbajtësi i familjes.
PAGESA KALIMTARE
Nenet e këtij ligji parashikojnë jo vetëm pension të dytë për të gjithë personat e përfshira në këto kategori, por edhe pagesë me rrogë mujore të plotë, edhe kur hiqen nga detyra. Për këtë i referohemi nenit 7, i cili flet për pagesën kalimtare. Sipas këtij neni, personave të grupit të parë, pas largimit nga pozicioni, u jepet shpërblim në masën e tre pagave mujore të muajve të fundit, në atë funksion. Pra, marrin tre muaj rrogë njëherësh sapo lënë zyrat. "Personave të grupit të parë sipas shkronjës "a" të pikës 8 të nenit 1, pas largimit nga funksioni, u jepet shpërblim në masën e tre pagave mujore të muajit të fundit në atë funksion. Personave të grupit të parë sipas shkronjës "b" të pikës 8 të nenit 1, pas largimit nga funksioni, u jepet një shpërblim në masën e dy pagave mujore të muajit të fundit në atë funksion dhe personave të grupit të dytë sipas shkronjës "a" të pikës 9 të nenit 1, pas largimit nga funksioni, u jepet një shpërblim në masën e dy pagave mujore të muajit të fundit në atë funksion", - sqaron neni 7. Por ka edhe më. Ligji ka parashikuar të tjera shpërblime për të gjithë ata që kanë fatin të jenë të veshur me pushtetet e njërit prej këtyre dy kategorive. Sërish i referohemi nenit 7. "Mbas këtij shpërblimi marrin 50 për qind të pagës referuese, për aq kohë sa kanë punuar në funksione të tilla, por jo më shumë se 3 vjet nga momenti i largimit nga ky funksion, (për personat e grupit të parë) dhe 40 për qind të pagës referuese, për aq kohë sa kanë punuar në funksione të tilla, por jo më shumë se 1 vit nga momenti i largimit nga ky funksion (për personat e grupit të dytë)" - thuhet në nenin 7. Që do të thotë se nëse kryetarja e parlamentit lë vendin e punës ( e cila ka një rrogë rreth 222 mijë lekë) do të vazhdojë të marrë të plotë atë edhe tre muaj pasi e ka lënë këtë post dhe pastaj do të vazhdojë të marrë 1 milionë lekë (të vjetra) në muaj, për aq vjet sa ka qenë ketë post, pagesë e cila ndërpritet vetëm pasi të kenë kaluar tre vjet që nga momenti kur ka dorëzuar mandatin. Ndërsa për personat e grupit të dytë, ka pak ulje, u jepet një shpërblim në masën e 2 pagave mujore të muajit të fundit në atë funksion dhe mbas këtij shpërblimi, marrin 40% të pagës referuese, për aq kohë sa kanë punuar në funksione të tilla, (për një vit nga momenti i largimit nga ky funksion). Sigurisht që për të përfituar këtë pension ligji parashikon që personi i interesuar duhet të bëjë kërkesën, dhe më pas çdo pension llogaritet rast pas rasti, duke iu kohës së saktë se sa e ka mbajtur këtë funksion (vite, muaj dhe ditë) dhe mbi të bëhen edhe llogaritë se sa do të jetë përfitimi i pensionit suplementar shtetëror.
(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35