Pentagoni jep alarmin: Kina mund të ketë 1500 koka bërthamore deri në vitin 2035 

Pentagoni jep alarmin: Kina mund të ketë 1500 koka bërthamore deri në vitin 2035 

1669754983_kina6.PNG

Kina mund të ketë një rezervë prej 1500 kokash bërthamore deri në vitin 2035 nëse vazhdon me ritmin aktual të zhvillimit bërthamor, sipas një raporti të publikuar sot nga Pentagoni.

Shifra nënvizon shqetësimin në rritje në Shtetet e Bashkuara në lidhje me synimet e Kinës për të zgjeruar arsenalin e saj bërthamor, raportojnë mediat e huaja.

“Ata kanë një rritje të shpejtë që është shumë domethënëse për t’u mbajtur sekret”, tha një zyrtar i lartë i mbrojtjes amerikane gjatë një konference mbi raportin vjetor të Pentagonit mbi ushtrinë e Kinës.

Raporti i cili mbulon kryesisht aktivitetet në vitin 2021, thekson se Kina aktualisht ka një rezervë bërthamore prej më shumë se 400 kokash.

Projeksioni i Pentagonit për arsenalin bërthamor të Kinës prej 1000 kokash deri në vitin 2030 mbeti i pandryshuar, tha zyrtari, duke shtuar se parashikimi për vitin 2035 bazohet në një ritëm të pandryshuar zgjerimi.

Kina thotë se arsenali i saj është më i vogël se ai i SHBA-së dhe Rusisë dhe se është gati për dialog, por vetëm nëse Uashingtoni redukton rezervat e tij bërthamore në nivelin e Kinës.

Sipas Institutit Ndërkombëtar të Kërkimeve të Paqes në Stokholm, SHBA-ja ka një rezervë prej rreth 3700 koka bërthamore, nga të cilat afërsisht 1740 janë të vendosura.


Lajmi kryesor:

Lufta, Kievi: 84 raketa ruse po hyjnë nga Deti i Zi në Mesdhe! Senati tërheq amendamentin që zgjati dërgesën e armëve në Kiev me një vit


S.S/Shqiptarja.com
  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?



×

Lajmi i fundit

FORMACIONI ZYRTAR/ Sylvinho zgjedh 'luftëtarët', Rey Manaj lë në stol Brojën! Balliu nga minuta e parë kundër Spanjës

FORMACIONI ZYRTAR/ Sylvinho zgjedh 'luftëtarët', Rey Manaj lë në stol Brojën! Balliu nga minuta e parë kundër Spanjës