PEQIN- Një gërvishtje makine, e ndodhur 5 vite më parë, u bë shkak i një sherri që do të përfundonte tragjikisht për Ylben Xhahysën sot në Peqin. Xhahysa, 44 vjeç, u qëllua për vdekje me 4 plumba nga Leonard Bashalliu. Ngjarja u regjistrua rreth orës 08:30 të mëngjesit të sotëm, në një lokal në fshatin Gjocaj.
Autori dhe viktima kanë qenë të përfshirë në një konflikt 5 vite më parë, pasi Xhahysa i ka gërvishtur makinën Bashalliut, ndërsa ka qenë pikërisht kjo ngjarje e së shkuarës për të cilën ata u konfliktuan edhe ditën e sotme.
Viktima dhe autori u konfliktuan fillimisht verbalisht, por që më pas degradoi edhe në përdorimin e dhunës, ku ata e goditën njëri-tjetrin me karrige e gota. Më pas Leonard Bashalliu ka nxjerrë armën duke qëlluar mbi Ylber Xhahysën dhe duke e lënë atë të vdekur.
36-vjeçari Leonard Bashaliu banues në Gjocaj, u arrestuar nga uniformat e policisë disa minuta pas ngjarjes, teksa është sekuestruar edhe arma e krimit. Ndërkohë, në dëshminë e tij në Polici, ai ka deklaruar në gjendje të rënduar psikologjike se konflikti me Xhahysën nisi pasi ai e kishte qëlluar me grusht 5 vite më parë.
Ky muaj ka regjistruar një numër mjaft të lartë vrasjes, 9 viktima për 8 ditë, ku pjesa më e madhe krim në familje ose vrasje për larje hesapesh. Mbrëmjen e djeshme, opinioni publik u trondit nga vrasja në Librazht, ku burri vrau me sëpatë gruan dhe më pas vari veten në pemë, teksa më herët vëllai vrau motrën në Shkodër për 4 mijë euro për shpenzimet e mobileve. Ndërsa 3 ditë më parë vjehrri Mexhit Picari vrau dhëndrin e tij Kudret Saliajn pranë gjykatës në Tiranë, me pretekstin se po mbronte nderin e vajzës, pas çifti ishte në proces divorci.
Autori Leonard Bashalliu
"Report TV" ka siguruar foton e Leonard Bashalliut, 36-vjeçari i cili ekzekutoi mëngjesin e sotëm në Peqin 44-vjeçarin Ylber Xhahysën. Ngjarja u regjistrua në fshatin Gjocaj, pas një konflikti ku u përfshinë viktima dhe autori. Ata fillimisht u konfliktuan verbalisht, për një ngjarje të ndodhur 5 vite më parë, ku Xhahysa i gërvishti automjetin Bashalliut, por situata agravoi në përdorimin e armës së zjarrit..
Është zbardhur dëshmia e Leonard Bashalliut, i cili qëlloi sot për vdekje Ylber Xhahysën, ngjarje e regjistruar mëngjesin e sotëm në fshatin Gjocaj të Peqinit. Në gjendje të rënduar psikologjike, Bashalliu ka thënë në polici se konflikti me Xhahysën nisi pasi para 5 vitesh ai e kishte qëlluar me grusht.
"U zumë kot, para 5 vitesh më ka qëlluar me grusht dhe sot filloi debati me fjalë e përfundoi me përdorim të armës", ka thënë ai.
Banorët e fshatit Gjonçaj në Peqin, ku ndodhi vrasja e 44-vjeçarit Ylber Xhahysa, shprehen të tronditur nga ngjarja e rëndë. Sipas tyre viktima njihej në zonë si një djalë i mirë dhe pa probleme. Njëri prej banorëve thotë se vrasjet janë kthyer në makth për shqiptarët.
"Është bërë si program në TV tani kjo punë, kështu po ndodhin ngjarjet në Shqipëri. Vrit këtu e vrit aty. Viktima ishte njeri i mirë", tha ai.
"Ishte djalë i mirë shumë", thotë një tjetër.
"Nuk flas dot, nuk di gjë", deklaron për gazetarët një tjetër banor i zonës.
Viktima Ylber Xhahysa
Të tjera detaje janë zbuluar në lidhje me ngjarjen e rëndë që u regjistrua sot në Peqin, në fshatin Gjocaj, ku Leonard Bashalliu ekzekutoi me armë zjarri 44-vjeçarin Ylber Xhahysën, banues në fshatin Pajovë.
Mësohet se autori dhe viktima kanë qenë të përfshirë në një konflikt 5 vite më parë, pasi Xhahysa i ka gërvishtur makinën Bashalliut, ndërsa ka qenë pikërisht kjo ngjarje e së shkuarës për të cilën ata u konfliktuan edhe ditën e sotme.
Ngjarja u regjistrua në një lokal, ku viktima dhe autori u përfshinë në një konflikt verbal fillimisht, por që më pas degradoi edhe në përdorimin e dhunës, ku ata e goditën njëri-tjetrin me karrige e gota. Më pas Leonard Bashalliu ka nxjerrë armën duke qëlluar katër herë mbi Ylber Xhahysën dhe duke e lënë atë të vdekur.
Viktima Ylber Xhahysa
"Report TV" ka siguruar foton e Ylber Xhahysës, 44-vjeçari i cili u vra me armë zjarri mëngjesin e sotëm në Peqin nga Leonard Bashaliu, 36 vjeç. Ngjarja ndodhi pas një sherr të çastit mes viktimës dhe autorit, ndërsa ky i fundit u arrestua nga Policia vetëm disa minuta pas ngjarjes.
Report Tv ka mësuar identitetin e viktimës dhe autorit të vrasjes të mëngjesit të sotëm në Peqin. Mësohet se 40-vjeçari Leonard Bashaliu ka vrarë me armë zjarri Ylber Xhahysën, 44 vjeç.
Arma e krimit
Policia jep njoftim zyrtar lidhur me vrasjen në Peqin.
"Policia kap dhe vë në pranga disa minuta pas ngjarjes, autorin e vrasjes së 45-vjeçarit, ndodhur në fshatin Gjocaj, Peqin.
Më datë 08.06.2021, rreth orës 08:30, në fshatin Gjocaj, Peqin, gjatë një konflikti për motive të dobëta, shtetasi L. B, rreth 40 vjeç, banues në Gjocaj, ka plagosur me armë zjarri shtetasin Y. Xh, rreth 45 vjeç, banues në fshatin Pajov, i cili si pasojë e plagëve ta marra ndërroi jetë në spitalin e Peqinit.
Reagimi i menjëhershëm i Policisë bëri të mundur identifikimin e autorit, lokalizimin e vendndodhjes dhe pas disa minutash ndjekje nga shërbimet e Policisë u bë e mundur kapja dhe prangosja e autorit të dyshuar së bashku me armën e zjarrit pistoletë.
Grupi hetimor nën drejtimin e Prokurorisë po vijon punën për zbardhjen e plotë të rrethanave të ngjarjes", njofton Policia.
Lajme të tjera
-
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
VIDEO/ Reshjet e dëborës zbardhin Elbasanin dhe Voskopojën! Pamje spektakolare nga Parku Kombëtar i Qafë-Shtamës
23 Dhjetor, 17:55 -
Aksident në aksin ‘Librazhd-Prrenjas’, makina përplaset me kamionin, humb jetën shoferi i mjetit
21 Dhjetor, 08:50 -
Dy aksidente me vdekje në Durrës e Librazhd, dy të rinjtë humbin jetën pas përplasjeve me kamionët (VIDEO)
21 Dhjetor, 07:09 -
Aksident në aksin Tiranë-Elbasan/ 2 makina përplasen me njëra tjetrën
20 Dhjetor, 14:17 -
Trafikonin kanabis me postë nga SHBA e Tajlanda në Shqipëri, kamuflohej mes makaronave aziatike! 3 të arrestuar, 3 në kërkim (EMRAT+VIDEO)
19 Dhjetor, 11:44
-
Aksident në aksin Librazhd-Prrenjas/ Makinat përplasen me njëra-tjetrën, njëra përfundon e kthyer përmbys
18 Dhjetor, 14:31 -
Në kërkim për 'Masakrën e Bradasheshit’ më 2018 me 3 të vrarë, GJKKO pezullon me 1 vit gjyqin ndaj Mikael Qosjas! Dyshohet se fshihet në Spanjë
18 Dhjetor, 13:58
-
I dënuar me 22 vite burg për vrasje, Altin Kodra futet në Regjim të Posaçëm për 1 vit
16 Dhjetor, 17:08 -
‘Veri jug’ në Peqin, qyteti i gjelave të detit, fermeri: Si këta nuk gjen askund në Shqipëri
15 Dhjetor, 15:40
-
Aksident në aksin Tiranë-Elbasan/ Kamioni përplaset me makinën, 2 të plagosur
14 Dhjetor, 16:15 -
Vrasja e Fatjon Bicit në Gramsh, ekzekutohet vendimi, 2 autorët që ishin në arrest shtëpie shkojnë në burg
13 Dhjetor, 12:40
