‘Për 30 sekonda nuk mbeti as nam as nishan’, flet vëllai i kryefamiljarit që iu shkrumbua banesa në Pogradec: Shteti të ndihmojë për rindërtimin

 

Vëllai i kryefamiljarit që kishte në pronësi banesën që u dogj në fshatin Leshnicë të Pogradecit tha për Report Tv se gjithçka ndodhi brenda 30 sekondash.

Sipas tij, shkak ishte një shkëndijë elektrike dhe për pasojë nuk është arritur të shpëtohet asgjë nga banesa ku jetonin 5 anëtarët e familjes së vëllait të tij H.A. Ndërsa bëri thirrje për ndihmë nga shteti për të rindërtuar shtëpinë e djegur, ai tha se do t’i mbante në shtëpinë e tij 5 anëtarët e familjes.

“Për 30 sekonda u shkatërrua komplet shtëpia nga masa e korentit. Për 30 sekonda nuk mbeti as nam as nishan. U shpëtuan të pestë vetat që ishin brenda edhe lekët që kishin brenda. Unë skam vdekur, është xhaxhai gjallë, kam unë shtëpi, do i mbaj derisa t’u rregullohet shtëpia. Shteti po t’u japë ndihmë do bënte gjë të madhe. Edhe bashkia edhe komuna kush të mundet të ndihmojë. Janë 3 të sëmurë”- u shpreh ai.

Lajmi kryesor:

Shkrumbohet nga flakët banesa në Pogradec, 5 anëtarët e familjes mbeten në qiell të hapur

B.V/r.k./Shqiptarja.com

TAG:
• Korce
• pogradec
• zjarr ne banese