POP 5

Lajmet më të lexuara të 5 minutave të fundit

Politikë

Për herë të parë në 27 vite, një president gjerman vjen në vendin tonë! Frank-Walter Steinmeier vizitë zyrtare në Shqipëri

Ambasada Gjermane në Tiranë ka njoftuar se presidenti i Gjermanisë, Frank-Walter Steinmeier do të vizitojë vendin tonë më 1 dhe 2 dhjetor.

Për herë të parë në 27 vite, një president gjerman vjen në vendin tonë! Frank-Walter Steinmeier vizitë zyrtare në Shqipëri

Frank-Walter Steinmeier

Ambasada Gjermane në Tiranë ka njoftuar se presidenti i Gjermanisë, Frank-Walter Steinmeier do të vizitojë vendin tonë më 1 dhe 2 dhjetor.

Në njoftimin zyrtar të ambasadës thuhet se presidenti Steinmeier do të udhëtojë nga data 29 nëntor deri më 2 dhjetor drejt Maqedonisë së Veriut dhe Shqipërisë. Kjo është hera e parë në 27 vite që një president gjerman viziton Shqipërinë.

Sipas programit të vizitës, presidenti Steinmeier do të takohet me homologun shqiptar Bajram Begaj, do të takohet me kryeministrin Edi Rama si dhe do të mbajë një fjalim në Kuvend.

Postimi i plotë i Ambasadës Gjermane:

Presidenti Federal Steinmeier do të vizitojë Shqipërinë më 1 dhe 2 dhjetor.

Presidenti Federal Frank-Walter Steinmeier do të udhëtojë nga data 29 nëntor deri më 2 dhjetor drejt Maqedonisë së Veriut dhe Shqipërisë. Udhëtimi është një sinjal i mëtejshëm se Gjermania po mbështet dhe ndjek intensivisht rrugën evropiane të rajonit në tërësi dhe të Shqipërisë në veçanti.

Kjo është hera e parë në 27 vjet që një president gjerman viziton Republikën e Shqipërisë. Presidenti Federal Steinmeier ka patur mundësinë të njihej me Tiranën dhe të zhvillonte bisedime në detyrën e tij të mëparshme si Ministër i Jashtëm.

Programi i udhëtimit përfshin bisedime me presidentin Begaj dhe kryeministrin Rama si dhe një fjalë në Kuvend. Gjithashtu është planifikuar një takim me nxënës/e nga Shqipëria dhe vendet e tjera të Ballkanit Perëndimor, një diskutim mbi ballafaqimin me të kaluarën komuniste dhe një vizitë në një kompani gjermane, ku do të hidhet dritë mbi potencialet ekonomike dhe mundësitë këtu në Shqipëri. Presidenti Federal është i lumtur që do mundë të njohë historinë dhe kulturën shqiptare gjatë një vizite në Berat, duke krijuar kështu një përshtypje mbi Bashkëpunimin gjermano-shqiptar për Zhvillim.

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze