Për truprojat dhe garantët e kokainës në Shqipëri

Vendimi për të mbrojtur politikisht një prokuror si Besim Hajdaramataj, në këto momente, është skaneri më I mirë që mund ti bëhet prokurorisë së Adriatik Llallës dhe arsyeve, përse opozita u bë barikadë kundër reformës në drejtësi.

Vendimi i shkarkimit e thotë qartë arsyen. Besim Hajdaramtaj është prokurori garant i trafikut të drogës nga Kolumbia të kompanisë “Alb Garden”, pasi dy vjetë më parë, në një situatë të ngjashme si kjo e para dy muajve, ai ka pushuar çështjen ndaj këtij biznesmeni në kontinerin e të cilit u gjend kokainë e ardhur nga Kolumbia. Skema e garancisë së prokurisë së Adriatik Llallës, përmes Hajdarmataj për atë linjë trafiku, është bazuar tek skema e thjeshtë e transportit të heroines, përmes një kompanie e cila formalisht nuk mban përgjegjësi për “mallrat” e tjera përveç bananeve që vijnë në portin e Durrësit, nëse prokuroria nuk bën hetime shtesë.  Kështu sipas këtij parimi kjo kompni ka sjell kokainë në Portin e Durrësit dhe kur është kapur në kohën e Adriatik Llallës, çështja është pushuar. Prej atëhere, pronari I “Alb Garden” nuk është vendosur nën përgjim, nuk është bërë asnjë përpjekje për hetime të thelluara dhe me të janë sjellë sikur ai të ishte viktimë e trafikut të kokainës dhe jo autor i saj.

Për herë të parë prokuroia e jonë e drejtua nga Arta Marku, në kapjen e rradhës së kësaj ngarkese, jo vetëm nuk e ka pushuar çështjen, por ka thelluar hetimet dhe sot ka të arrestuar pronarin e kompanisë.

LEXO EDHE:
Jo vetëm Tirana, tre klubet e Superligës me merkaton e bllokuar nga FIFA

Nëse prokuria e sotme do të respektonte “traditën Llalla”, Besim Hajdarmataj duhet ta linte përsëri të lirë Arbër Çekaj, meqë formalisht ai nuk ka faj, se I kanë futur 613 kg kokainë në kontenierin e tij. Skenari I përngjan serialeve të Narcos tek “Netfliks’, ku prokuria shqiptare ka shërbyer si garante ligjore e mos pasjes së asnjë pasoje në rast kapje dhe e suksesit të heshtur në rastet kur droga nuk kapej. Kaq e thjeshtë është përgjegjësia ligjore e Besim Hajdarmataj. Një opozitë që bëhet garante e këtij lloj prokurori, është garantja më e mirë dhe publike e trafikut të drogës në Shqipëri, pasi bëhet mburoj pikërishtë e atyre strukturave të drejtësisë që janë garante të trafikut të drogës.

Deri para pak ditësh Sali Berisha ka hedhur në treg, lloj lloj hipotezash për autorësinë e drogës së kapur në Durrës, por tani që hetimet janë thelluar dhe autorët janë në burg, tani që prokurori garant I këtij trafiku është shkarkuar, çuditërisht ata duket sikur janë shqetësuar pikërisht për drogën që vetëm një ose dy javë më parë thoshin është e Olsi Ramës dhe Edi Ramës. Dhe kjo është një finale e turpshme e një politike, e cila I del zot më shumë se vet trafikantët , një linje trafiku që zhvillohej nën garancitë e prokurisë së Adriatik Llallës.

Diplomatët kryesorë të perëndimit në Shqipëri dhe veçanërisht ambasadori amerikan, e konsideruan qysh në fillim kapjen e Kokainës në Durrës, si “peshkun e madh” jo thjeshtë se ai quhej Arbër Çekaj, por se në dosjen e tyre, ishte e qartë, se garanti I asaj linje trafiku, ishte prokuroria e Shqipërisë. Sot e vërteta është në dritë të diellit.

Për të arsyetuar më tej me rastin e Saimir Tahirit, të gjithë jemi koshient dhe është gjë e mire, që për Saimir Tahirin po hetohet më shumë se për çdo politikan shqiptar në këto vite, biles po hetohet me sforco dhe me një lloj revanshi për të vlerësuar dhe thashethemet rreth tij, ndërkohë që për Adriatik Llallën janë injoruar dhe faktet. Ky prokuror e ka pas detyrë pas skandaleve që u bën publike, jo vetëm të thellonte hetimet, por ta plotësonte dosjen me faktet që para tij I gjeti shtypi. Ky prokuror thjeshtë ka soditur , lëvizjet e qarta për pastrim paresh të eprorit të tij, dhe kthimin e tij në një agjent pasurish të paluajtshme, duke bërë biznes me prona të njerëzve që i kishte nën hetim.

Në këto kushte ai do tia vlente të shkarkohej dhe për mos veprim në rastin e Adriatik Llalës. Ajo që është e prekshme në historinë e tij si prokuror dhe që I është shkruar qartë në motivin e shkarkimit, është fakti se ky ka pushuar një çështje që është haptazi mbrojtje e një linje te trafikut të drogës nga Kolumbia, një linjë që fal këtyre garancive, vazhdoi me qetësi punën e saj, deri sa u kap dy muaj më parë nga policia dhe po hetohet me seriozitet prokuriria e re e Arta Makut.

E gjithë kjo e ka bërë opozitën qesharake pasi po e detyron atë për të ndryshuar pistën e arsyeve të shkarkimit, dhe po e vendos opozitën shqiptare në pozitën më të keqe të mundëshme, si avokate e trafikut të kokainës në Shqipëri, ku si autorër dhe prokruri që u është bërë garant, janë lidhje jo vetëm krahinore, por dhe miqësore të rrethit të afërt të Sali Berishës.

Është e njëjta histori që Sali Berisha po bën dhe me Izet Haxhiaj, ish truprojen e tij. E dëgjova dje kur ulëriste si I dal nga shinat, se Ministria e Drejtësisë e Edi Ramës ka kërkuar ekstradimin e tij dhe pastaj një laro I tij, që kujton precedentin Rusmali për dorëheqje nga Ministër Drejtësie më 2007 për një përfolje të të vëllait.

Kjo është një gënjeshtër edhe më e madhe. Për të gjithë ata që nuk e dine, por mund ta verifikojnë, Ministria e Drejtësisë që ka kërkuar ekstradimin e Izet Haxhisë, është ajo që dejtohej nga Ilir Rusmali në vitin 2007. Për të garantuar autoritet turke, se ai do kishte një gjykim të drejt Ministri Rusmali në atë kohë, ka garantuar autoritetet turke, duke cituar Konventën Europiane të të Drejtave të Njeriut, se atij do ti sigurohej një gjykim I drejt, duke rihapur gjykimin e dosjes Hajdari. Ishte kjo arsyeja që e çmendi në atë kohë Sali Berishën dhe pastaj fabrikoi atë skenarin e turpshëm më rregjistrime të disa ushtarëve të tij, për ta kompromentuar atë me një kërkesë banale të vëllait të vet, për një tender që nuk u bë kurrë.

Ilir Rusmali dha dorëheqje duke vendosur një standart aq të lart moral dhe politik,  sa Sali Berisha disa muaj më vonë e shkelmoi papikë mëshire, kur djali I tij doli I lidhur me biznesin vdekjeprurës në Gërdec, ku Saliu, jo vetëm nuk dha dorëheqje, por I shpalli luftë gjithë shtetit për të shpëtuar të birin. Biles dhe New York Times e quajti letër higjenike.

Për fatin e tij të keq, Sali Berisha ka qenë gjithmonë në anën e së keqes në raport me drejtësinë në Shqipëri, si në rastin Rusmali, ku tërbimi I erdhi nga fakti se ai duke vepruar si shtetar serioz, kërkoi ekstardimin e Haxhiaj duke garantuar hapjen e dosjes Hajdari , ashtu dhe në rastin e trafikut të kokainës nga Kolumbia, ku prokurorët ushtarë të tij dhe tropojanët e tij të përfshirë në këtë trafik, janë ortak të qartë të një linje trafiku ndërkombëtar, tashmë të kapur dhe asgjesuar. Tërbimi në të dy rastet është i ligjshëm , pasi i janë prerë rrënjët një historie kriminale. Por janë të ligjshëm si kriminelë të mërzitur për shokët e tyre, jo si opozitarë të mërzitur për drejtësinë.

TAG:
• arbri-garden
• shkarkohet besim hajdarmataj

Sondazhi i ditës:

Sa i përhapur është korrupsioni në Shqipëri?

• Shumë

  85.7%

• Pak

  9.2%

• Nuk e di

  5.1%

Vota total: 630

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di