Shorti i hedhur në Nyon të Zvicrës ka qenë i pamëshirshëm duke vënë përballë skuadrat favorite ndërsa me fat ishte Atletico Madrid finalistja e sezonit të shkuar që do të përballet me surprizën Leicester City.
Dueli tjetër që po ashtu premton spektakël është Borussia Dortmund-Monaco dy skuadra që luajnë një futboll spektakolar.
Bayern-Real është një klasike e futbollit Europian. Madrilenët i nxorën jashtë bavarezët 3 vite me parë në gjysmëfinale dhe më pas fituan trofeun ndërsa këtë herë Bayerni do të kërkojë të marrë hak.
Spektakël dhe luftë e fortë sportive premtohet edhe në Juventus-Barcelona. Edhe në këtë rast bardhezinjtë mund të kërkojnë të marrin hak për humbjen në finalen e Berlinit të dy viteve më parë.
Ndeshjet e para të fazës çerekfinale do të luhen më 11 dhe 12 prill ndërsa ato të kthimit një javë më pas.
dy.b/shqiptarja.com