Përcillet për në banesën e fundit 
aktivisti i VV-së, Astrit Dehari

Aktivisti i VV-së, Astrit Dehari do po prehet pranë varrit të vëllait të tij, Arbnor Deharit, i cili u vetëvra para dy viteve. Në ceremoninë e varrimit të aktivistit të ndjerë të Lëvizjes "Vetëvendosje" morën pjesë qindra qytetarë.

Kreu i Prishtinës, Shpend Ahmeti nën lot ka mbajtur një fjalë rasti në ceremoninë e varrimit të aktivistit të VV-së Astrit Deharit.
Ahmeti ka thënë se janë të hidhëruar që e patëm por të gëzuar që e patën.

Ai na mësoi si të punojmë, shumë pak prej jush e dini që astriti punoi pa u ankuar kurrë.
Ndërsa, Albin Kurti vdekjen e tij e ka cilësuar si vrasje.

“Dështimi i procesit kundër gjashtë aktivistëve të akuzuar për terrorizëm, e solli në një panik të paparë regjimin në fuqi dhje kjo rezultoi me këso vdekjesh në burg. Ajo që u cilësua në fillim si vetëvrasje e përsosur, doli të jetë vrasje e papërsosur”, ka thënë Kurti.

Kujtojmë që Astrit Dehari ndërroi jetë të shtunën në qendrën e Paraburgimit në Prizren. Rrethanat e vdekjes së tij do t'i bëjë të ditur raporti përfundimtar i autopsisë që iu bë dje trupit të Astrit Deharit në Institutin e Mjekësisë Ligjore në Prishtinë.

Ymeri: S'do të lëmë gurë pa lëvizur për të sjellë drejtësi për Astritin
Në Sallën e Kuqe të Fakultetit Filologjik të Universitetit të Prishtinës, ka filluar mbledhja komemorative me rastin e vdekjes së Astrit Deharit.Në këtë mbledhje, përveç zyrtarëve dhe anëtarëve të Lëvizjes Vetëvendosje, po marrin pjesë edhe prindërit e të ndjerit, raporton lajmi.net

Visar Ymeri në mbledhjen komemorative për Astrit Deharin, ka thënë se është e vështirë për tu ndarë nga Astriti që kurrë nuk nda nga ne dhe që punoi për ne. “Këtij nuk mund t’ia themi lamtumirën”, është shprehur Ymeri.

Ymeri duke folur për kontributin e Deharit në Lëvizjen Vetëvendosjes ka thënë se nuk kishte aktivitet që ka bërë Vetëvendosje e që ai nuk ishte ndër më të rëndësishmit.

(Kreu i Vetëvendosje, Visar Ymeri )

Ymeri ka folur edhe për aktivitetin e tij si student duke përmendur protestat në shkarkimin e rektorit Ibrahim Gashi.
Astrit Dehari sipas Ymerit kishte dhënë kontribut edhe në Drejtorinë e Shëndetësisë në komunën e Prishtinës dhe po ashtu edhe tek grupi parlamentar i Vetëvendosjes.

“Astriti u arrestua me 29 gusht nga një aksion terrorizues të policisë dhe me akuzua të fabrikuara bashkë me aktivistët tjerë”,ka thënë Ymeri.
Gjatë fjalimit të tij Ymeri ka thënë se Astritin do ta mëshirojnë dhe ky mëshirim është se “ne do ta bëjmë vendin siç ishte ai”.

“Nuk do të lëmë gur pa lëvizur për ta sjellë drejtësinë në vend për Astritin”, ka thënë Ymeri. 

***

Bashkveprimtari i familjes Dehari, Destan Veliu e ka konsideruar vdekjen e Astritit si tragjedi.

“Kjo tragjedi shkaktoi një tronditje të rëndë. Përkundër dhembjes nuk mund ta fahehim krenarinë për një djal që ishte në gjendje të jepte gjithcka për vendin e vet. Edhe stergjyshi i tij u mbyt në burg. Asnjëherë nuk pushoi përsekutimi ndaj kësaj familje”.

***
Anëtari i Lëvizjes Vetëvendosjes Sami Kurteshi, në mbledhjen komemorative për Astrit Dehatri, aktivist i Vetëvendosjes, i cili ka vdekur të shtunën në burgun e Prizrenit ka thënë se kujtimi për të ndjerin është dashuria. Ai ka thënë se vdekja e tij bëhet edhe më e rëndë në rrethana jo normale.

Kurteshi ka thënë se Dehari ishte një aktvist i guximëshëm dhe i palodhëshëm.

Redaksia Online
l.q/Shqiptarja.com