Përcillet për në banesën e fundit Shkëlzen Qordja, mjekësia ligjore: Do shpëtonte nëse do mbërrinte shpejt në spital

Policia dhe Prokuroria e Tiranës kanë dërguar për ekpertizë automatikun MP5, me të cilën u vetëvra gardisi Shkëlzen Qordja një ditë më parë në ambientet e Gardës së Republikës. Hetuesit kërkojnë të marrin përgjigje nëse në këtë armë ka gjurmë të tjera gishtash, përveçse të shoferit të Fatmir Xhafës, për të hequr çdo dyshim nëse kemi të bëjmë me vetvrasje ose jo.

Gjithashtu është kryer ekspertiza për gjurmët e barutit në dorën e djathtë të Shkëlzen Qordjes, të cilat nëse dalin pozitive konfirmojnë vetvrasjen. 

Nga të dhënat paraprake të Mjekësisë Ligjore, 31 vjeçari kishte vetëm një plumb në kokë. Por burime nga ky institucion thanë për Report TV se nëse do të çohej direkt për në spital Shkëlzen Qordja mund të mbijetonte.

Sipas mjekëve mjeko-ligjorë, Qordja ka qenë për minuta të tëra ende me shenja jete, por kur kanë mbërritur kolegët e tij dhe më pas mjekët, ai kishte ndërruar jetë.
Report Tv u interesua pranë Gradës së Republikës për sa i përket automatikut që mbante Shkëlzen Qordja.

Ky institucion tha se gardistët mund ta mbajnë në makinë automatikun, por jo në rrugë. Gardistëve u lejohet që në rrugë të mbajnë vetëm pistoletën.

Ndërkohë 31-vjeçari është përcjellë për në banesën e fundit mesditën e së dielës. Familja e tij ka qenë mjaft e tronditur dhe ende nuk janë në gjendje të japin një prononcim.

Mister mbeten shkaqet për se u vetvra Shkëlzen Qordja. Deri më tani Garda e Republikës dhe familja e 31-vjeçarit nuk janë në gjendje të japin një arsyje që çoi në vetvrasjen e shoferit të Ministrit të Brendshëm, Fatmir Xhafaj. 

Shkëlzen Qordja u gjet mëngjesin e së shtunës pa shenja jete nga kolegët e tij brenda një garazhi te Garda e Republikës.

Ai e mbante armën në dorë dhe e kishte kthyer automatikun për të qëlluar me breshëri, por është vetqëlluar me vetëm një plumb, ndërkohë që dy plumbat e tjerë kanë përfunduar te xhami i makinës.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shpellar vicidoli: 01/07/2018 19:55

    A per mjeket qe kemi ne, keta e vdesin njerin e shendoshe.

    Përgjigju
    • Ops: 01/07/2018 23:01

      O Altin mjekt tani qe ikin ne gjermani bejne nja 4 vjet stazh dhe specializim pastaj kalojne mjeke. Jo te gjithe jane te pa afte por problemi eshte qe aftesia tek ne nuk vlersohet. Psh nje kirurg paguhet 700 mij leke dhe merr dhe baaksish sepse aq si dalin per 1/100 e specializimeve qe i duhet , ndersa ne austir 12 mij € dhe specializimet i mbulon shteti. Tek ne kane ngelur ato qe e kane mbaruar shkollen me kokrra veze

    • Altini: 01/07/2018 21:44

      Mjeket tane po ikin nje e nga nje edhe po punesohen si mjeke ne Gjermani e gjetke o shpellar

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Policia plan masash kundër kultivimit të kanabisit, kontrolle në gjithë territorin! Nga maji, Guardia di Finanza me monitorim nga ajri

Policia plan masash kundër kultivimit të kanabisit, kontrolle në gjithë territorin! Nga maji, Guardia di Finanza me monitorim nga ajri