POP 5

Lajmet më të lexuara të 5 minutave të fundit

Bota

Përdhunimi i 12-vjeçares në Greqi, misteri i vizitave në shtëpinë publike! Dyshohet se 25 burra abuzuan seksualisht me të miturën

Detaje të tjera tronditëse kanë dalë nga hetimet për 12-vjeçaren në Greqi, ku shkonte në shtëpi publike dhe ishte viktimë e përdhunimeve. Mbeten mister 5 vizitat e saj në shtëpinë publike në Gazi, ku më shumë se 25 burra kanë rënë në kontakt dhe kanë përdhunuar të miturën.  Megjithatë deri më tani nuk ka prova të mjaftueshme për të nisur procedurat përkatëse ndaj tyre.

Përdhunimi i 12-vjeçares në Greqi, misteri i vizitave në shtëpinë publike! Dyshohet se 25 burra abuzuan seksualisht me të miturën

E ëma e të miturës dhe i dyshuari kryesor

Detaje të tjera tronditëse kanë dalë nga hetimet për 12-vjeçaren në Greqi, ku shkonte në shtëpi publike dhe ishte viktimë e përdhunimeve. Mbeten mister 5 vizitat e saj në shtëpinë publike në Gazi, ku më shumë se 25 burra kanë rënë në kontakt dhe kanë përdhunuar të miturën.  Megjithatë deri më tani nuk ka prova të mjaftueshme për të nisur procedurat përkatëse ndaj tyre.

Sipas hetimeve, tortura e vogëlushes ka nisur në prill të vitit 2022. Por të dhënat nga 2 celularët që i janë dhënë 12-vjeçares tregojnë se komunikimet e saj me burra të ndryshëm kanë nisur që në qershor të vitit 2021. Mësohet se 2 kartat SIM që vajza kishte në dy pajisjet celulare Redmi dhe iPhone ishin të lidhura me karta krediti, por transfertat e parave i ngarkoheshin të huajve, njëri nga Uzbekistani, 65 vjeç ndërsa tjetri nga një vend aziatik.

Ende janë shumë detaje që kanë nevojë për sqarime, por ka më shumë se 35 të dyshuar në listën e personave që mund të kenë dhunuar të miturën. Ndërkohë nëna e të miturës është në paraburgim së bashku me të dyshuarin kryesor, 53-vjeçarin Ilias Michos që dyshohet ta ketë përdhunuar dhe më pas i gjente klientët përmes një aplikacioni.

Nëna e saj 37-vjeçare, duket se jo vetëm që ka qenë në dijeni për aktet, por ka qenë ajo e cila e ka çuar të bijën në duart e tyre, përkundrejt pagesës.

Dyshimet se nëna e saj kishte rolin si tutore, u shtuan kur u gjetën në llogarinë e saj disa derdhje parash, që kapnin vlerën e 110 mijë eurove. Vetë ajo i ka mohuar këto akuza, por pa mundur të bindë trupën gjykuese. Sakaq, mediat greke thonë se 12-vjecarja po merret në pyetje nga psikologët ndërsa vëllezërit e saj janë në gjendje shoku dhe të rënduar nga ana psikologjike.

 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

4 Janar, 23:06