Më 28 Qershor u mbyll me sukses Edicioni i 27-të i Olimpiadës Ballkanike të Matematikës për të Rinj-JBMO 2023, i dyti që Shoqata Shqiptare e Matematikës-AMA
si përfaqësuese zyrtare e MASSEE organizoi dhe priti në vendin tonë në harkun 24 vitet e fundit.
Ekipi shqiptar fitoi 3 medalje Bronzi në JBMO 2023 nga nxënësit e talentuar
1- Sigi Zalla-Durrës,
2- Jamarbër Rushitaj-Vlorë
3- Ajsel Budlla-Tiranë
Prej datës 23 deri më 28 Qershor AMA bëri bashkë në Tiranë 19 ekipe të vendeve zyrtare dhe mike. JBMO 2023 pati mbështetjen e Ministrisë së Arsimit dhe Sportit si edhe të institucioneve, organizatave dhe bizneseve në vend e Kosovë ndër të cilat përmendim:
![](https://shqiptarja.com/template/img/NO_ALFA_Kuadrate shqiptarja.png)
VIRTUS EXCELLENCE TRAINING CENTER,
CREDINS BANK,
NINETY-ONE,
ERA CATERING,
NEW YORK SCHOOL OF SCIENCE IN KOSOVO,
WISEWORD,
MULTI MEDICAL CENTER,
BASHKIA BERAT,
DREJTORIA E PERGJITHESHME E ARSIMIT PARAUNIVERSITAR,
MINISTRIA E KULTURËS,
MINISTRIA E PUNËVE TË BRENDËSHME,
MINISTRIA PËR EVROPËN DHE PUNËT E JASHTME.
Fituesit e kësaj olimpiade u kurorëzuan në ceremoninë e dhënies së cmimeve e cila u mbajt me 27 Qershor në mjediset e qëndrës kulturore pranë Katedrales Orthodhokse ku ishin të pranishëm diplomatë të përfaqësive të disa shteteve. Në këtë ceremoni u shpërndanë 44 medalje Bronzi, 25 medalje Argjendi dhe 11 medalje Ari.
Momenti më i vecantë i JBMO 2023 ishte kurorëzimi me Pikë të Plota (Perfect Score) i Damjan Davkov-MV. Gjatë qëndrimit të tyre ekipet vizituan Muzeun Historik Kombëtar dhe qendrën e Tiranës si edhe qytetin dhe kalanë e Beratit.
Ekipi gjatë vizitës në Berat
Krahas JBMO, Shoqata Shqiptare e Matematikës (AMA) në bashkëpunim me Ministrinë e Arsimit dhe Sportit të Shqipërisë (MAS) dhe Shoqërinë e Matematikës për Europën Juglindore (MASSEE) realizon pjesëmarrjen e Shqipërisë në konkurrime të rëndësishme ndërkombëtare me arritje spikatëse ndër të cilat përmendim:
Olimpiadën Ballkanike të Matematikës (BMO), Olimpiadën Evropiane të Matematikës për Femra (EGMO), Olimpiadën Ndërkombëtare të Matematikës (IMO).
AMA bashkëpunon ngushtë edhe me shoqatën simotër dhe matematicienët e Kosovës prej vitit 2020 realizon me sukses KAMO- Kosovo-Albania Mathematical Olympiad (KAMO). KAMO 2023 do të zhvillohet në Tiranë në data 18-21 Korrik 2023.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)