Deri më tani janë numëruar rreth 67% e votave në zgjedhjet parlamentare të zhvilluara ditën e sotme në Kosovë.

Sipas informacioneve zyrtare nga Komisioni Qëndror i Zgjedhjeve, Lëvizja Vetëvendosje prin me 42.78%, ndiqet nga PDK me 21.92%, LDK me 17.95% dhe AAK me 7.76% të votave.

Sipas KQZ, pjesëmarrja në këto zgjedhje ishte më e ulët se në zgjedhjet e kaluara. KQZ njofton se vlerësohet se kanë votuar 31.72% e qytetarëve me të drejtë vote. Pjesëmarrja në votim e qytetarëve të Kosovës ka ardhur në rënie, pasi në zgjedhjet e zhvilluara në Dhjetor të 2025-ës ishte 44.99 %. 

Procesi gjatë ditës u raportua i qetë, përveç disa rasteve të cilat policia i procedoi për shkak të dëmtimit të fletëve të votimit. Paraprakisht sipas të dhënave të KQZ kuptohet se komunat e Veriut dhe ajo e Prishtinës kanë patur pjesëmarrjen më të lartë.

Në këto zgjedhje ku të drejtë vote kishin mbi 2 milion qytetarë, janë regjistruar 21 subjekte politike 17 parti politike, 3 koalicione dhe 1 kandidat i pavarur.

Sa i takon diasporës, KQZ në Kosovë ka njoftuar se procesi i votimit ka përfunduar në 26 përfaqësi diplomatike të vendit në 16 shtete, ku nga 27.724 votues të regjistruar kanë votuar 22.414 qytetarë, ose 80.85% e atyre që kishin aplikuar për të votuar fizikisht. Pjesa e mbetur 132.212 votuesve në diasporë ka zgjedhur të votojë nëpërmjet postës, ndërsa pjesëmarrja e saj do të llogaritet në vijim. Zgjedhjet e fundit u fituan nga Albin Kurti dhe LVV, me 51.10% të votave.

Zgjedhjet e sotme në Kosovë ishin të tretat brenda rreth një viti e gjysmë. Këtë herë, vendi shkoi në zgjedhje, pasi Parlamenti nuk arriti dot të zgjidhte Presidentin e Republikës.

Ndërkohë kanë dalë edhe rezultatet e Exit Poll-eve të para, që parashikojnë rezultatin e zgjedhjeve.

Nga EXIT POLL PIPOS/KLAN KOSOVA, kjo është përqindja që rezultojnë të kenë marrë partitë politike në zgjedhjet e sotme:
LVV 42.3%
PDK 21.6%
LDK 17%
AAK 6.8%

Rendit zhvillimet sipas orarit:
Ora 20:32
Numërohen mbi 40% e votave në Kosovë: LVV prin me 41,24 %, ndiqet nga PDK me 21,93%, LDK me 18,08% dhe AAK me 8,31%

1780857160_xfgjuuy.JPG

Komisioni Qendror i Zgjedhjeve në Kosovë ka njoftuar se deri më tani janë numëruar 40.23% të votave, në zgjedhjet e jashtëzakonshme parlamentare të zhvilluara ditën e sotme.

Nga rezultatet deri më tani, Lëvizja Vetëvendosje ka marrë 41,24% të votave.

Partia Demokratike e Kosovës ka marrë 21,93% të votave.

Lidhja Demokratike e Kosovës ka marrë 18,08% të votave.

Aleanca për Ardhmërinë e Kosovës ka marrë 8,31% të votave.

R.Xh/Shqiptarja.com

Ora 20:27
Kosova numëron votat, KQZ: Vetëvendosje e para në Suharekë dhe Prizren

Rezultatet e para të publikuara nga KQZ-ja tregojnë avantazh të Lëvizjes Vetëvendosje në Suharekë dhe Prizren.

Në Suharekë, ku është numëruar mbi 30% e votave, LVV-ja kryeson me 33.46% të votave. Pas saj renditet LDK-ja me 27.86%, ndërsa e treta vjen PDK-ja, e ndjekur nga Aleanca për Ardhmërinë e Kosovës.

Edhe në Prizren kryeson Vetëvendosje. Nga 69 kuti të numëruara nga gjithsej 232, LVV-ja ka marrë 36.03% të votave. Në vendin e dytë renditet PDK-ja me 23.20%, ndërsa LDK-ja vjen e treta me 13.09%.

Numërimi i votave po vijon në të gjithë Kosovën, ndërsa KQZ pritet të publikojë gjatë mbrëmjes rezultate të reja nga komunat e tjera

U.D/Shqiptarja.com

Ora 20:04
Zgjedhjet në Kosovë, numërohen kutitë e para të votave: LVV prin me 34,18%, pasohet nga PDK me 19,95%, LDK me 14,76% dhe AAK me 9,83%

1780855487_fxguhkk.JPG

Janë numëruar kutitë e para të votimit në Kosovë, në zgjedhjet e jashtëzakonshme parlamentare që u mbajtën ditën e sotme.

Sipas Komisionit Qëndror të Zgjedhjeve, Lëvizja Vetëvendosje ka marrë 34,18% të votave, në 2,88% e vendvotimeve të procesuara.

Partia Demokratike e Kosovës renditet e dyta me 18.28% të votave.

Lidhja Demokratike e Kosovës renditet e treta me 15,49% të votave.

Aleanca për Ardhmërinë e Kosovës ka marrë 9,11% të votave deri më tani.

R.Xh/Shqiptarja.com

Ora 20:01
Albin Kurti reagon pas mbylljes së votimeve, thirrje komisionerëve: Mbrojtja e vullnetit të qytetarëve është kusht

Pas përfundimit të procesit të votimit, kreu i Lëvizjes Vetëvendosje, Albin Kurti, ka bërë thirrje për ruajtjen e integritetit të votës gjatë numërimit.

“Vullneti i qytetarëve i shprehur në zgjedhjet e sotme është brenda kutive të votimit. Mbrojtja e tij është kusht i pandashëm i legjitimitetit dhe kredibilitetit të procesit zgjedhor”, shkroi Kurti.

Ai iu drejtua gjithashtu komisionerëve dhe vëzhguesve, duke theksuar se në këtë fazë mbi ta bie përgjegjësia për të garantuar që çdo votë të administrohet sipas rregullave dhe standardeve të procesit zgjedhor.

 

U.D/Shqiptarja.com

Ora 19:45
Mbyllet votimi në Kosovë, KQZ: Procesi i rregullt, mbi 713 mijë qytetarë morën pjesë në votime, pjesëmarrja arrin në 36.41%

KQZ njoftoi se deri tani janë procesuar 98.64% e të dhënave nga vendvotimet në të gjithë Kosovën.

Sipas shifrave të publikuara, nga 1.959.962 qytetarë me të drejtë vote brenda Kosovës, në zgjedhje kanë marrë pjesë 713.562 votues, ose 36.41% e trupës elektorale.

Kryetari i KQZ-së, Kreshnik Radoniqi, deklaroi se bëhet fjalë për të dhëna paraprake, pasi procesimi i rezultateve vijon edhe për pjesën e mbetur të vendvotimeve. Ai theksoi se shifrat janë bazuar në 98.64% të të dhënave të mbërritura nga terreni.

U.D/Shqiptarja.com