Përgjaket Gaza/ 15 protestues qëllohen për vdekje, 400 të plagosur, Izraeli përdor dron

Të paktën 15 palestinezë janë vrarë dhe qindra të tjerë janë lënduar gjatë një prej protestave më të mëdha të palestinezëve në kufirin mes Izraelit dhe Gazës të viteve të fundit. 

Dhjetëra mijëra palestinezë, të cilët kërkojnë të drejtën e rikthimit të refugjatëve në atë që tani është territor izraelit, u mblodhën në pesë vendndodhje përgjatë kufirit të blinduar prej 60 kilometrash, ku janë ngritur tenda për një protestë që është planifikuar të zgjasë gjashtë javë, sipas burimeve zyrtare lokale.  

LEXO EDHE:
Ushtria izraelite bastis spitalin në Gaza, 240 të arrestuar, mes tyre terroristë që sulmuan shtetin hebre më 7 tetor 2023

Demonstruesit u panë gjithashtu të digjnin disa postera me fytyrën e presidentit amerikan Donald Trump, i cili e ka urdhëruar ambasadën amerikane në Izrael që të zhvendoset nga Tel Avivi në Jeruzalem. Protestuesit kanë paralajmëruar se do të qëndrojnë në kufi deri kur ambasada të zhvendoset në Jeruzalem më 14 maj. 

Ushtria izraelite përllogariti 30,000 protestues dhe përdori një dron për të hedhur gaz lotsjellës ndaj turmave masive. 

Zyrtarët e shëndetësisë thanë se një prej 15 të vdekurve ishte 16 vjeç dhe se të paktën 400 njerëz u plagosën nga të shtëna me armë zjarri, ndërkohë që disa të tjerë u qëlluan me plumba gome, por pati edhe pacientë që u trajtuan për probleme me frymëmarrjen nga gazi lotsjellës. 

Familjet të shumta kishin marrë me vete edhe fëmijët e tyre në fushat disa qindra metra larg barrierave të sigurisë izraelite, që ndajnë këtë shtet nga enklava e udhëhequr nga islamistët e Hamasit, ku në rërë u përvijuan disa fusha futbolli dhe fëmijët nisën të luanin. 

Por me vijimin e orëve, qindra të rinj palestinezë injoruan thirrjet e organizatorëve dhe të ushtarëve izraelitë që të qëndronin larg kufirit. 

Ushtria izraelite bëri të ditur se trupat e saj përdorën mjete për shpërndarjen e turmave dhe se qëlluan në drejtim të nxitësve kryesorë. Disa prej protestuesve qëlluan me goma të djegura dhe gurë në drejtim të rrjetës së kufirit dhe të ushtarëve. 

Ushtarët izraelitë qëlluan me plumba dhe gaz lotsjellës ndaj protestuesve në anën tjetër të kufirit dhe qindra palestinezë mbetën të plagosur nga armë zjarri, thanë zyrtarët në Gaza. 

TAG:
• Gaza
• Palestine
• Izrael
• Jeruzalem

Sondazhi i ditës:

Si ka qene per ju viti 2024?

• I mire

  43.7%

• I keq

  22.6%

• As i mire as i keq

  33.7%

Vota total: 1640

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq