'Përgjimet janë kryer me autorizim', Fredi Beleri debat me kryepolicin e Himarës në gjyq

Kryepolici i Himarës Ermal Ajdini në gjyqin që po zhvillohet sot për Fredi Belerin është shprehur se pasi ka marrë informacion se po bliheshin votat ka nisur hetimet dhe pas verifikimeve, informacioni ka rezultuar i vlefshëm. Ai foli dhe për rolin e Arsen Ramës në këtë çështje, ndërsa më pas ka ndërhyrë dhe vetë Beleri i cili i ka drejtuar dhe disa pyetje.

Ermal Ajdini: Unë në janar te 2023 jam emëruar shef komisariati në Himarë. Arsen Ramën ma kanë prezatuar një koleg polic. Në fund të muajt prill të 2023 më ka telefonuar dhe më ka thënë se po bliheshin vota për Alfred Belerin. Pas marrjes së këtij informacioni unë kam bërë verifikimet e mia dhe më ka rezultuar që informacioni ishte i vërteta. Më pas kam vënë në dijeni eprorët e mi. Të cilët më kanë thënë që të vë në dijeni prokurorin në lidhje më këtë çështje. Më pas Arsen Rama ka vendosur që të bashkpunojë me prokurorin, për të bërë veprimet stimuluese. Në dijeninë time ka nënshkruar një marrveshje bashkpunimi. Më pas kam marrë urdhër nga prokuroria që të nisja me veprimet dhe kam kontaktuar arsen ramën për të kryet të gjitha veprimet stimuluese. Rama dhe familja e tij jetonin në Himarë por më pas ata me kanë shprehur shqetësimin se janë kërcënuar dhe janë dërguar në Vlorë.

(Pyetjet nga avokatët)

Arsen Ramën e kam njohur gjatë muajt shkurt të këtij viti. E kisha numrin e tij të telefonit sepse ai ka bashkpunuar edhe më herët me policinë për çështje të tjera. Nga shkurt deri në prillë e kam takuar 2-3 herë. Pasi kemi përfunduar të gjitha veprimet hetimore referimin e kam bërë gati në zyrë dhe e kam nisur për në drejtorin e Vlorës. Aty kam dërguar edhe Arsen Ramën. Në informacionet që në kishim përpos parave qyetarëve u janë premtuar edhe leje qëndrimi në greqi.

Pyetje nga avokatët: A jeni në dijeni që Arsen Rama ka marrë shpërblim nga policia?

Ermal Ajdini: Në dijeninë time po pasi është një procedure e ligjshme. Për më tepër informacion drejtohuni me një kërkesë drejtorisë vendore të policisë së Vlorës.

Beleri: A keni dijeni të ketë përgjime pa autorizim të prokurorit?

Ajdini: Në dijeninë time jo, te gjitha përgjimet janë kryer me autorizim të organeve kompetente.

Beleri: Keni pasur urdhër për të përgjuar të gjithë zyrën time elektorale?

Ajdini: Kemi përgjuar subjektet që na ishin autoriziar nga prokurori.

Beleri: Sa lista ka dorëzuar Rama?

Ajdini: Ka dorëzuar atë listë që ju i keni thënë në telefon, një në zyrë njërën kopje e ka dorëzuar tek ne. Nuk i mbaj mend emrat e listës.

Lajmi kryesor:

Gjyqi/ Fredi Beleri përballet me kallëzuesin! SPAK: I infiltruari u kërcënua pas padisë! Kryepolici i Himarës: Kam përgjime! Dëshmitarët: Na dhanë lekë për votat

B.K/Shqiptarja.com

TAG:
• arrestohet Fredi Beleri
• fredi beleri
• Tirane
• gjykata e larte
• GJKKO
• arsen rama
• himare
• Irena Gjoka