POP 5

Lajmet më të lexuara të 5 minutave të fundit

Kronikë

Përgjimet, ‘shpërthen’ Luan
Rama:Shqipëria, turpi i NATO-s!

LSI ka vijuar akuzat e forta mbi mos funksionimin e radarëve të shtetit. Zëvendëskryetari i kësaj force politike, Luan Rama, shkruan se radarët e shtetit i komandonin trafikantët e pushtetit, referuar përgjimeve të trafikantëve të drogës, të cilët thonin se kishin mikun e tyre te radarët.
LSI ka vijuar akuzat e forta mbi mos funksionimin e radarëve të shtetit. Zëvendëskryetari i kësaj force politike, Luan Rama, deklaron se radarët e shtetit i komandonin trafikantët e pushtetit, referuar përgjimeve të trafikantëve të drogës, të cilët thonin se kishin mikun e tyre te radarët.

Rama shkruan në “Facebook” se ka denoncuar prej dy muajsh faktin se radarët nuk kanë qenë në punë prej vitit 2014, por asnjë institucion nuk ka reaguar. Lidhur me këtë, Luan Rama deklaron se qeverisja e krimit dhe e trafikantëve e ka bërë Shqipërinë turpin e NATO-s.

“Radarët e shtetit i komandonin trafikantët e pushtetit! Kam dy muaj që denoncoj publikisht dhe politikisht faktin që radarët e Forcave Detare dhe ato të Policisë së Shtetit nuk kanë qenë në punë që prej vitit 2014, por asnjë institucion shtetëror nuk ka reaguar! Te gjithë kanë heshtur, të gjithë vazhdojnë të heshtin! Dhe ja ku na del nga përgjimet e publikuara, se radarët e shtetit i kontrollonin trafikantët e pushtetit! Forca e shembullit: qeverisja e krimit dhe e trafikantëve e ka bërë Shqipërinë turpin e NATO-s! Për t'ju shërbyer trafikantëve, është cënuar rëndë siguria kombëtare, është cënuar rëndë standardi i sigurisë së NATO-s nē hapësirën detare të Republikës së Shqipërisë!”, shkruan Rama. 

luan rama fb
(Postimi i Luan Ramës)

Redaksia Online
D.Ç./Shqiptarja.com

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Poli Hoxha: Nuk mendoj se Rama merr më shumë se 68 mandate! Nëse bashkohen, partitë e vogla marrin 30%, Berisha duhet të bëhet ‘qingj’

Poli Hoxha: Nuk mendoj se Rama merr më shumë se 68 mandate! Nëse bashkohen, partitë e vogla marrin 30%, Berisha duhet të bëhet ‘qingj’

9 Janar, 18:31